زۆرن ئەو پێکهاتووە خۆراکیییانەی ڕۆڵێکی گرنگیان هەیە لە پاراستنی ژیان و تەندرووستی مرۆڤ دا کە کەمییان دەبنە هۆکاری زۆر کێشە و نەخۆشی ترسناک، دکتۆر #کامەران ژاژڵەیی#، پسپۆڕی زانستی خۆراک گرنگترین حاڵەتەکانی کەمی ئەم ڤیتامین و کانزایانەی بڵاوکردووەتەوە.
=KTML_Bold=1- ماددەی ئاسن=KTML_End=
ئاسن یەکێکە لە سەرەکیترین کانزاکان کە ڕۆڵێکی بنەڕەتی هەیە لە پێکهێنانی خوێن و ماسوولکەکان و ڕۆڵێکی گرنگی هەیە لە درووستکردنی چەندین ئەنزیم و هۆرمۆن.
بە زۆری لە ئەم سەرچاوە خۆراکیانەدا هەیە، جگەر و گۆشتی سوور و ماسی و هێلکە و پاقلەمەنەییەکان و قەڕنابیت و سپێناخ و کەلەرم.
=KTML_Bold=2- یۆد=KTML_End=
ڕۆڵێکی کاریگەریی هەیە لە کارکردنی غودەی دەرەقی و کەمی یۆد دەبێتە هۆی سستی غودەی دەرەقی، بە زۆری لە ماسی ئاوی دەریا و گژوگیای دەریا و خوێی یۆداوی هەیە.
=KTML_Bold=3- ڤیتامین دی=KTML_End=
زیاتر لە (300) ڕۆڵی گرنگی هەیە لە ناو لەش و لەوانە لە پێکهاتنی ئێسقان و بەرگری لەش و کۆمەڵێک هۆرمۆنی سەرەکی لەناو لەش دا.
باشترین سەرچاوەش تیشکی خۆرە و بە بڕێکی دیاری کراو لە ماسی و زەردێنەی هێلکە و زەیتی جگەری نەهەنگ هەیە.
=KTML_Bold=4- کالسیۆم=KTML_End=
زۆر گرنگە لە پێکهاتنی ئێسقان و ددان و ڕۆڵی بنەڕەتی هەیە لە کارکردنی ماسوولکەکان.
بە زۆری لە ماسی و شیر و بەرهەمەکانی شیر و دەنکی کەتان، قەڕنابیت، سپێناخ، کەلەرم، بڕۆکلی، بازالیا و سۆیادا هەیە. [1]