ناڤ: محەمەد
ناسناڤ: محەمەد شێخو
ساڵا ژ دایکبوونێ: 1948
ڕۆژا مرنێ: #19-03-1989#
جهێ ژ دایکبوونێ: #قامشلو#
جهێ مرنێ: قامشلو
$ژیاننامە$
محەمەد شێخو هونەرمەندەکێ بناڤ و بانگێ #ڕوژئاڤایا کوردستان#ێ یە کو ل هەر چوار پارچێن کوردستانێ هەژێکەرێن وی هەنە و هەتا ڤێ گاڤێ ژیک ل بەشەکە زوورا کەناڵێن میدیایی یێن کورستانی ب گشتی و ل #کوردستانا باشوور# ب تایبەتی ئەم ڕوژانە گوهبیستێ دەنگێ ڤی هونەرمەندەی دبین.
محەمەد شێخو ژدایک بوویێ ساڵا 1948ێ گوندێ گرباوی یێ نێزیک ل باژێڕێ قامشلوو یە و ل گوندێ خجوکێ خوەندنا سەرتایی و ژبوو خوەندنا ناڤەندی ل قامشلوویێ بوویە و هەر دڤی دەمەیدا مەیلا سترانا و هونەرا کوردی هەبوویە.
محەمەد شێخۆ ساڵا 1969 چوویە بەیروتا پایتەختێ لوبنانێ تەڤێ هەردوو هونەرمەند (مەحموود عەزیز و سەعید یوسف) تیپا موسیقایا #نەوروز# دامەزراند. پشتڕە ل ساڵا 1972 ڤەگەڕیایە ژبو ڕوژئاڤایێ کوردستانێ و ژبەر سروودێن وی یێن نشتیمانی ژئالێ دەسەڵاتا سوریایێ هەر گاڤ لبن چاڤدێرییا وانا بوو.
ساڵا 1974 پێوەندی ب شوڕەشا ئەیلولێ دکەت و پشتی نسکویێ دگەل سەدان هزار تێکوشەرێن دن دێ بەرەف ئیران و #ڕوژهەڵاتا کوردستان#ێ وەغەر بکەن دێ ل #مهاباد#ێ نیشتەجﮪ بیت و هەر ل وێڕێ دگەک کچەکە مهابادی دێ ژیانا هەڤژینیێ پێک ئینت. هەروەسا ل باژێڕی #سنە# وانەیا میوزیکێ ژبو شەیدایێن هونەرێ کوردی پێشکەش کرییە.
شیخو ل ڕوژهەڵاتا کوردستانێ و ل ڕێزا پێشمەرگە هەتا ڕێکەفتنا جەزائیرێ ل ساڵا 1975 لسەر خزمەتا خوە یێ بەردەوام بوو، دڤی هەیامەیدا ژ ئالێ حکومەتا ئێرانێ چاڤدێرییەکە چر لسەر وی دهاتە کرن ڤێ چەندێ هونەرمەندێ نەمر تویشی خەمناکیەکە مەزن کربوو کو پشتڕە ل ساڵا 1981ێ بڕیارا ڤەگەڕیانێ ژبو زێدێ خوە ددەت دێ بەرەف قامشلوو وەغەر بکەت ول وێرێ ژی لسەر ڕێبازا خوە یا هوونەری دێ یێ بەردەوام بیت و تیپەکا دن یا مووسیقایێ ئەڤێ جارێ بۆ فێرکرنا سروودێن کوردی ژ زارۆکان ڕە دامەزراند. ساڵا 1986ێ سترانا جوانییا ئازادیێ ژ هۆزانێن سەیدایێ #جگەر خوین# بدەنگێ زەڵالێ خوە بەلاڤ کر.
د 19 ئادارا 1989ێ و د ژیێ 41ساڵی و ل قامشلوویێ وەغەرا داویێ کر و تەرمێ وی ل گۆرستانا هلێلی هات بخاک سپاردن.[1]