ناڤ: حەسەن
ناسناڤ: حەسەن زیرەک
ناڤێ بابێ: عەبدولڵا
ساڵا ژ دایکبوونێ: 1921
ڕۆژا مرنێ: #26-06-1972#
جهێ ژ دایکبوونێ: #بۆکان#
جهێ مرنێ: بۆکان
$ژیاننامە$
ناڤێ وی حەسەنێ کوڕێ عەبدوڵڵایە کو ب حەسەن زیرەک یێ بەرنیاسە، ل ساڵا 1921ئان دە ل باژێڕێ بۆکان یا ڕوژهەڵاتا کوردستانێ ژدایک بوویە. ل ژیێ 5ساڵیدە عەبدوڵڵایێ باڤێ وی وەغەرا داویێ کرییە، حەسەن هەر دوی دەمەیدا و د ژیێ زاروکیێ دە نەچار بوویە ژبو گوزەرانا ژیانا خوە و ماڵباتا خوە کار بکەت.
هەژاری و نەداری زیرەک نەچار کرییە ژبوو کار کرنێ ژبلێ باژێرێن کوردستانا ڕوژهەڵات، سەردانا عیراقێ و باشوورێ کوردستانێ ژیک بکەت وەکە باژێرێن بەسڕا و بەغدا و #هەڤلێر# و #کەرکووک#. چەند جارەکان ژیک حەسەن ل وەڵاتێ ئیرانێ ب ئەگەر هندەک ڕیدانێن نەخواستی کەتییە بەندیخانێ و پشتڕە ب قەچاخی بەرێ خوە دایە عیراقێ و چوویە باژێڕێ بەغدایێ، ل وێرێ دەمێ دزانن کوو حەسەن زیرەک کەسەکە هونەرمەند و دەنگ خوەشە ل پشکا کوردییا ئێزگەها بەغدایێ دێ بانگهێشت کەن و پشتی دەمەکێ کورت دێ ل وی ئێزگەهەی هێت دامەزراندن ب سەدەما ڤی ڕیدانا خوەش حەسەن ناڤبانگەکە زێدە د پەیدا کەت و پشتڕە دێ ڤەگەرت بو کوردستانا ڕوژهەڵات و هەر دگەل ڤێ ڤەگەڕیانێ ڕاستەڕاست دێ ل ڕادیویا تەهران و #کرماشان# هێتە بانگهێشت کرن و ل وێرێ ژیک دێ مژویلی کارێ هونەری سترانێن کوردی بیتن. پشتڕە ل کرماشانێ دێ گروپەکە میوزیک تایبەت ب سترانێن کوردی دامەزرینیتن.
هەروەکە مە لسەرڤە ئیماژە پێدای ب ئەگەرا نەداری و هەژازییە حەسەن زیرەک نکارییە خوەندنا خوە بکەت و کەسەکێ نەخویندەوار بوویە لێ بەلێ لبەر زیرەکاتیا خوە خودیێ پشکا هەرە زورا ستران و بەرهەمێن هونەری ئەو بخوەیە.
هوزانێن حەسەن زیرەک ل دوو پەرتوکان دە ل ژێر ناڤ و نیشانێ چریکەی کوردستان هاتینە چاپ کرن.
ل 26-06-1972 هونەرمەندێ سترانبێژێ کورد حەسەن زیرەک ل باژێڕێ بوکان وەغەرا داویێ کر و هەر ل وی باژێڕەی هاتە بخاک سپاردن، پشتڕە و لسەر وەسیەتا وی کوو ب نزیکێن خوە گووتبوو، تەرمێ وی هاتە ڤەگوهاستن ژبوو چیایێ ناڵەشکێنە کو دکەڤیتە بەرامبەری باژێڕێ بوکان.[1]