ناڤ: قادر
ناسناڤ: شێخ قادر حەفید
ناڤێ بابێ: شێخ سەعید
ساڵا ژ دایکبوونێ: 1895
ڕۆژا مرنێ:#15-03-1967#
جهێ ژ دایکبوونێ: #سلێمانی#
جهێ مرنێ: سلێمانی
$ژیاننامە$
ل ساڵا 1895 ژ دایک بوویە و ل رێککەفتا 15-03-1967 وەغەرا داویێ کرییە.
ناڤی وی ویێ تمامی، شێخ قادر کوڕێ شێخ سەعید کوڕێ شێخ محەمەد کوڕێ حاجی کاک ئەحمەدێ شێخ کوڕێ شێخ مەعروفێ نەودەھی کوڕێ شێخ مستەفا کوڕێ شێخ ئەحمەد کوڕێ شێخ عەلی (وەندرینیە) ، بنەجها وانا دڤەگەڕت ژبوشێخ عیسایێ بەرزنجی یێ کوڕی شێخ بابە عەلی یێ ھەمەدانی.
حەپسەخانا نەقیب و شێخ قادرێ هەڤژینێ وێ
شێخ قادر برایێ #شێخ مەحمودێ حەفید#ە، ھەڤژینا وی خاتینا بەرنیاس #حەپسەخانا نەقیب# بویە.
شێخ قادر ل باژێرێ سلێمانی کو یا ب پایتەختا رەوشنبیری ژی ل #کورستان#ێ دهێتە ناسین ژ دایک بوویە و زانست و زانیاری و خوەندن و نڤیسینێ لسەر دەستێ زانایێن ڤی باژێڕەی فێر بوویە، دەمێ کو جەنگێ جیهانی یێ ئێکەم دەست پێکر تەڤی شێخ مەحمودێ برایێ خوە بەرەف باشوورێ ئێراقێ ژبو ڕیبڕیبوونێ دهەمبەری سوپایێ ئینگلیز کەتنە ڕێ.
د حکومەتا شێخ مەحمود دە، شێخ قادرێ برایێ وی پلەیا سەروک وەزیر وەرگرت (بڤی جورەی بوویە ئێکەم سەروک وەزیر د حکومەتا کوردی دە) ، ژبلی ڤێ ژی شێخ قادر پلەیا سوپا سالاری ژیک د حکومەتا کوردیدە هەبوویە.
پشتی تمام بوونا حکومەتا شێخ مەحمود، ھەلبژارتن ل سلێمانیێ هاتە ئەنجامدان ودڤێ ھەلبژاردنێ دە شێخ قادر بوویە نونەری سلێمانیێ ل ئەنجوومەنا دامەزراندنا ئێراقێ کوو پەڕڵەمانێ وی سەردەمەی ل ئێراقێ بوویە، پشتڕە ل ساڵا 1925 بوویە ئەندامێ ئەنجوومەنا ئەعیان، لێ ئەندامیەتیا وی ب ئەگەرێ هندێ کوو ژیێ وی نەگەهشتبوو وی ئاستێ یاسایی، ژبو ڤێ ئەنجومەنێ هاتە ڕەت کرن.
پشتڕە ل کارێ سیاسی دویر کەتییە و ڤەگەڕیایە سلێمانیێ و گوندێ (تەنگی سەر)، ل ور ھندەک باخ و عەڕد ھەبوونە و مژویلی کارێ کشتوکاڵی بوویە.
دیوەخانەکە مەزن ھەبوویە وتەڤی هەهژینا خوە حەپسەخانا نەقیب پێشوازییا مێهڤانان کرییە و ھەمی دەمان دیوەخانا وانا یا ئاڤەدان و تژی ل سەردانکەران بوویە.
شێخ قادر خودیێ کوڕەکی بناڤێ بەختیار بوویە، لێ ئەڤ زاروکە ل هەڤژینەکە دنە. [1]