#بېسارانی#
چراغم ڕۊیێ جە سوب سەحەردا
ناگا خەدەنگش بەرد وە جگەردا
جگەر پەنهان کەرد، مەر دڵ نەزانۊ
بۍ ڕامەن، نەبا چەنەش بسانۊ
دڵ دەرلاد، زانا، هۊرېزا بە جەنگ
گېرت بە دەستەوە سەر فاقەی خەدەنگ
مەکېشۊش بە دۊش نە خەوفی جگەر
جگەر سەخت گېرتەن، نمەیۊ وە بەر
چۇنکو نېهانی دەرۇنشانەن
دامانم گوڵگۇن بە هۇنشانەن
فیدای شەستت بام، هەی خەدەنگ وە دەست
خەدەنگیو هەنت، با بەرشۊ جە دەست
بەرە بە دڵدا بە وېنەی جگەر
تا جەور و جەفام ناوەران وە سەر
[1]