#بېسارانی#
ها، بېیەن پەیدا, ها، بېیەن پەیدا
نیشانەی وەهار، ها، بېیەن پەیدا
بوڵبوڵ مەوانۊ ئاوازی شەیدا
دڵەی عاشقان مەڎۊ بە وەیدا
هەر مورغی سەحەر نەغمەسازێوەن
پەی دەردەداران، دڵنەوازێوەن
جە سازی مېنقار، سەدای دەرۇن جۊش
خەفتەی بېدەردان ماوەرۊ بە هۊش
ژەرەژ مەوانۊ نەوای بېخەمی
ئارەزۇش یارەن، پەرۍ هامدەمی
گوڵان بە سەد ڕەنگ، بەرئامان جە خاک
عەتر عەنبەرین خونچەی دەهەن چاک
هەر یەک مایەی عەتر عەتارێ دارۊ
نیشانەی گۊنای تەتارێ دارۊ
عەجەب فەسڵێوەن، فەسڵی وەهاران
پەی ڕەونەقی سەیر، تەماشای یاران
[1]