#بېسارانی#
یاران کۍ دېیەن، یاران کۍ دېیەن
سەرڕشتەی خەمان، چۇن من کۍ دېیەن؟
قامەتم وە خەم، ڕېزەی خەم بېیەن
ڕۊحم وە خەمناک، نە قاڵب شېیەن
ئوستادم خەمەن جە مەدرەسەی خەم
دەرسی خەم وانان، جە لام بېیەن جەم
دەرسم هەر خەمەن، هەر خەم مەوانۇ
غەیر جە خەم فېشتەر، هیچ نمەزانۇ
ئەسڵی من خەمەن، جە خەم بېیەنان
بابۊی من خەمەن، خەمان دېیەنان
هەر کەس خەمبارەن، بەیۊ جە لای من
خەم چەنی خەمان زۇ مەبۊ ساکن
[1]