تاریخو ژیوای پیرەکا هۆرامانی
بەشۊ حۆتەمۍ
پیر محەمەڎ= باوا خۆشین= سەی ئەڵوەندی:
ئی زاتە جە نەوەو بابا تایەری هەمەڎانین، دەگێوە جە دامانو کەشو (ئەڵوەند) ینە نیشتەجا بېیەن، وەرمشەنە یاوان بە خزمەتو پیرشالیاری، دمای وەرمەکەیش لوان پەی هۆرامانی، یاوان دەگاو (سلێن) ۍ، چن نەفەرێ چەنی پیرشالیاری لوێنۍ پېوایشۆ تاکو (دووتفڵە) وەراوەر بە شارو هۆرامانی پېشوازیشان کەردەن، ماوێ جە شارو هۆرامانی جە خزمەتو پیرشالیارینە مەنەن، دمایی داواش وەنە کەردەن کە یاگێش پەی دیاری کەرۊن پەی ئانەی وېش بە ئادابو گۊشەگیریۊ خەریک کەرۊن، پیرشالیاریچ قەرارش دان هامنېنە جە (شلېران) و زمسانېچەنە جە (وەیساوا) نیشتەجا بۊ.
پیر محەمەڎ چەنی ئانەی کەسێ دیندار و زانا بېیەن، شارەزایێ خاسش جە دەرمانسازی و تیمار کەردەینە بېیەن.[1]