ناڤ: عیسا
ناسناڤ: عیسا بەرواری ئانکو باڵیوزێ سترانا کوردی
ساڵا ژدایک بوونێ: 1932
جهێ ژدایک بوونێ: موسڵ
جهێ وەغەرکرنێ: #موسڵ#
روژا وەغەرکرنێ: #19-07-2002#
$ژیاننامە$
ناڤێ دورست ( عیسا حسين يونس ) بەرنیاس ب عیسا بەرواریە و ل ساڵا 1932 ل تاخا جوویان یا باژێڕی موسڵێ ژدايک بوويه، هونەرمەند ( عیسا بەروارى ) دەما هیش گەنج دەست ب گوتنا سترانیت کوردی کرییە و ئيکەم سترانا هونەرمەند عیسا برواری سترانا مەدينایێ بوو کو ل#02-01-1950# ل ئيزگى کوردى ل بەغدایێ بوویە و ب ڤێ سترانێ هاتە نياسين و پشتڕە هونەرمەند بەرواری چەندین سترانێن دن گوتن مینا سترانا (#زەمبيل فروش# و #خەج و سيابەند# و لعلى خان و شاهينو و چەتوو و مازى چننێ و جيرانێ و کوردستانە وەلاتێ مه و ئەى سمەر و عەمێ گوزێ) و چەندین سترانێن دن.
هونەرمەند عیسا بەروارى شێوازەکێ تایبەت ب خوە هەبوو د گوتنا سترانان دە و گەلەک سترانێن فلکلور گوتینە و گەلەک سترانیت وی ژ پەيف و ئاوازيت وی بخوە بووینە و روژ ب روژێ گوهدارێت وی زێدە دبوون، هونەرمەند بەرواری هێدی هێدی ب دەنگوڕەنگ لسەر تەلڤزیونێن بەغدا و #موسل# و #کەرکووک# دەردکەت و ل پشتی ڤان دەرکەتنان بەروارى گەلەک ئاهەنگ گێڕان ل وەلاتين عەڕەبی و بيانى و بڤێ چەندى شيايه سترانا کوردى
بدەته نياسين بو خەلکێ بیانی لەوڕا ناڤبانگێ خوە ب $بالیوزێ سترانا کوردى$ دەرکر.
هونەرمەند عیسا بەرواری ڕولەکێ گرنگ هەبوویە د پاراستنا سترانا کوردى دە و گەڵەکێ زانا و زیرەک بوو د ژەنینا ئاميرى تەمبورێ.
بەروارى گەلەک ئاواز داينه هونەرمەندین مەزن وەکە #محەمەد عارف جزيرى# و #نەسرين شێروان# و#حەسەن جزيرى# و #گولبهار# . جهێ ئیماژێیە هەنووکە تەمبيرا هونەرمەند عیسا بەرواری ل #موزەخانەیا دهوک يا فلکلورى# هاتیە پاراستن.
ب مخابنی ڤە ل ڕوژا 19-07-2002 هونەرمەند عیسا بەرواری وەغەرا داویێ کر و تەرمێ وی ل ئێک ژ گورستانێن موسڵ هاتە بخاک سپاردن.[1]