ئێکەک ل موزەخانەیێن تایبەت ک کوردستانێ کو بو (نمایش کرنا هونەرێ شێوەکارییا مۆدێرن) و کار و چالاکی یێن هونەری و وێنەکێشانێ هاتییە دامەزراندن #موزەخانەیا ئاغالە#یە ل باژێڕێ کۆیە.
ئەڤ موزەخانەیە ب ناڤێ ''موزەخانەیا ئاغالە'' لسەر ڕووبەرێ 650 مەترێن چارگوشە ل بنارا چیاێ هەیبەت سوڵتان هاتییە درووست کرن و مەزنترین موزەخانەیا شێوەکارییا کوردییە کو ژبو نمایشا هونەرێ کوردی و جیهانی وەکە ناڤەندەکە کلتووری و جهەکێ فێرکاری هاتییە دامەزراندن.
بینایێ ڤێ موزەخانەیێ ب شێوازێ تەلارێن کەڤنار یێن باژێڕێ کۆیە هاتیە درووست کرن و ل دوو نهومان پێک هاتییە؛ نهۆما ئێکێ ل دوو بەشێن ئۆفیسا بڕێڤەبردن و پێشانگاەهەک پێک هاتییە کو لڤی پێشانگەهەیدە چەندین تابلۆیێن هونەریێن خودیێ موزەخانێ و چەندین هونەرمەندێن بناڤبانگێن کورد و بیانی ب شێوازەکێ سەردەمیانە هاتینە دەینان و ل هونەرمەندێن کورد دکارین ئیماژە ب هەبوونا تابلۆیا کەسانێن وەکە #باسم ڕەسام#، #قەرەنی جەمیل#، #ئەحمەد نەبەز#، #ئاودێر عوسمان#، #نازە عەوڵا# و چەند کەسانێن دن بکەین.
ل نهۆما ددوویا ڤێ موزەخانەیێ ژبلی ل نیشاندانا بەرهەمێن هونەری یێن ناڤخو و بیانی بەشەک هاتییە تایبەت کرن ب جهێ بڕێڤەچوونا کۆڕ و کۆمبوون و سمینار و چالاکی یێن هونەری و هنەک جاران ژی لڤی جهەی پیشانگەهێن دەمکی ژبو هونەرمەندێن خوازیار دهێتە ڤەکرن.
خودی و ڕێڤەبەرێ ڤێ موزەخانەیێ، هونەرمەند ڕۆستەم ئاغالە، ژدایک بوویێ ساڵا 1969 یا باژێڕێ کۆیەیە و دەرچوویێ پەیمانگەها هونەرێن جوان یا باژێڕێ سلێمانی یە ل ساڵا 1988ێ دە. دناڤ کارێن هونەری یێن ڤێ هونەرمەندەی ژن فیگەر و کارەکترا سەرەکییە و هەوڵا هندێ یا دای کوو جوانی، دیروک، دەسەڵات و ئازارێن ئافرەتا کورد نمایش بکەت.
هونەرمەند ڕۆستەم ئاغالە، ژبلی کارێ هونەرا وێنەکێشانێ، ل هونەرا فۆتۆگرافیێشدە خودی ئەزموون و بەرهەمە و ساڵا بووهری دوو پەرتوک چاپ بوون کو ئێک ژوان تایبەت بوو ب کارێ فۆتۆگرافی بناڤێ ''#ئێمە کاکەیین#'' کو بریتییە ل کۆمەک ژ پۆرترێت و وێنەیێن تایبەت ب کەسایەتی یێن کاکەیی یێن هەرێما کوردستانێ. پەرتووکا دن بناڤێ ''#نیگارەکانی شاماران# '' بریتییە ل وێنە و تابلۆیێن هونەری یێن ئاغالە کو تێدا شاماران کاراکتەر و فیگەرا سەرەکەیە.[1]