چېڵکڕ، چېشا و ماناش چېشەنە؟

چېڵکڕ، بە ماناو کڕ کەوتەی ژەرەژۍ مێ.
زوانی هۆرامینە بە مېڵۍ ژەرەژۍ وچیۊ: (چېڵی) و بە نېرەکەیش وچیۊ: (بەق) .
ژەرەژی نامۍ جۊرو پەلەوەرەکەینە.
چېڵکڕ، ئا وەرزەنە هەکە چېڵی چەنەش کڕە گنۊ، وەختەکەش گنۊ دما مانگۊ وەهاری و فەرهەنگی کەشناسیی هۆرامانینە ئی مانگۍ پەنەش وچیۊ: مانگەو چېڵکڕی.
یانی: (21 و مانگەو پەنجیۆ) هەتا (21 و مانگەو 6 ی) ساڵنامەی عیسایی.
سۊرانیچەنە پی مانگۍ ماچان: جۆزەردان.
دلۍ فەرهەنگو ژیوگە پارېزیی هۆرامانینە، چەنی دلۍ مانگەو (کەڵە هەرزی) نە ڕاوەو کەڵا قەڎەغېنە، پاسەیچ مانگەو چېڵکڕینە ڕاوەو ژەرەژا قەڎەغېنە و حیچ هۆرامیېوە ژیوگە دۊس چا مانگېنە ڕاوەو ژەرەژا نمەکەرۊ، وەرو ئانەیە ژەرەژەکۍ نیشا سەرو هېڵەکاشا و گواری هۊرمارا.
گواری: جوجکۍ ژەرەژېنە.[1]