شەودەس... چېشا و ماناش چېشەنە؟
سەردەمو وېیەردەینە وەڵینەکېما پەی دەس ۋستەی بژېویی وېشا و کڵفەتیشا ڕاو و شکارو ئاژەڵ و پەلەوەرە کۊییەکاشا کەردەن.
چا وەختایچەنە هەکە وەختو ئاوربېیەی ئاژەڵ و پەلەوەرەکا بېیەن، بېئانەی زۊرو کەسیشا سەربۊ، وېشا هەستشا پانەیە کەردەن هەکە چا وەختانە مەشۊم ڕاوە نەکەرا.
وەلێم داخەم مەشۊ، چی سەردەمەنە هەکە حیچکەس ئەوەجەش بە ڕاوۍ نېیەن پەی دەس ۋستەی ژیوایش، کەچی وینمۍ و مژنەومۍ کەسانێ بۍ ویژدانۍ پەی هەواو نەفسی نەوەشیشا ملا بە تفەنگی ئوتوماتیکیی وەختو ناوەختەنە قەتڵ وعامو ئاژەڵ و پەلەوەرە کۊییەکا کەرانە و سەرو لاکەکاشاوە زەماوڼەو ڕووزەرد کەردەی وېشا سازەکەرا.
سەردەمی ۋیەردەنە، یۊ جە جۊرەکا ڕاوۍ، ڕاوەو ژەرەژا بیېنە، وەڵتەر بە برکۍ و دماتەر بە ساچمەزەن و تاپڕ.
ئەر سەرسەحب وەڵۍ ئانەینە دنیا ڕۊشنە کەرۊ، لوێنۍ ڕاوەو هېلیانەکېشا ئېستېنېوە و دەسشا وەنە شانێنۍ، پا جۊرە ڕاوېشا واتەن: شەودەس.
بە ماناو دەس شانای شەوۍ.[1]