سەرۆکی پەڕڵەمانی کوردستان ڕاگەیەنراوێکی لەبارەی کۆبوونەوەی ئەمڕۆی #22-05-2023# پەڕڵەمانی کوردستان بڵاوکردەوە و ڕایگەیاند، هیچ دەرئەنجامێکی ئەو دانیشتنە دوای دواخستنی بەهای یاسایی و پەیڕەوی نابێت.
دەقی ڕاگەیەنراوەکە..
=KTML_Bold=ڕاگەیەنراوێک لە سەرۆکی پەڕڵەمانەوە بۆ دامەزراوە دەستوورییەکانی هەرێمی کوردستان و ڕای گشتی=KTML_End=
بە بنەمای دانیشتنی ژمارە (4) ی ڕۆژی دووشەممە 22-05-2023 کە سەرۆکی پەڕڵەمانی کوردستان لەژێر ڕۆشنایی ئەو دەسەڵاتەی لە بڕگەی سێیەم لە ماددە (18) لە پەیڕەوت ناوخۆ پێیدراوە و تێیدا هاتووە (کردنەوەی خول و دانیشتنەکانی پەڕڵەمان و سەرۆکایەتیکردنیان، کۆتاییپێهێنان و دواخستنیان، دەستنیشانکردنی کاتی ئەنجامدانیان) دانیشتنی ئاماژە بۆ کراوی سەرەوە دواخراوە و کۆتایی پێهات، لێرەوە ڕایدەگەینین:
=KTML_Bold=یەکەم:=KTML_End= هیچ دەرئەنجامێکی ئەو دانیشتنە دوای دواخستنی بەهای یاسایی و پەیڕەوی نابێت.
=KTML_Bold=دووەم:=KTML_End= بەپێی بڕگەی (11) ی ماددەی (18) دەسەڵاتی واژووکردنی سەرجەم نووسراوەکانی پەڕڵەمان تەنیا لە دەسەڵاتی سەرۆکی پەڕڵەمان دایە و بەڕێزیان ئەو دەسەڵاتەی بە کەسی تر نەداوە مومارەسەی بکات، بۆیە هەر نووسراوێک بەبێ واژووی سەرۆکی پەڕڵەمان بۆ هەر دامەزراوەیەک بنێردرێت هیچ بەهایەکی یاسایی نییە. [1]
نووسینگەی ڕۆژنامەوانی
سەرۆکی پەڕڵەمانی کوردستان