ژ نەسیحەتێن حەکیمی لوقمان
د ئێزدیاتیێ دا حەکیمێ لوقمان ئێک ژ باپچاکێن خودێ ناسیێ لسەر دەمێ حەکیم فێرس ل لالشا نورانی .
رۆژەکێ حەکیم لوقمان باکرە کوڕێ خۆ و گۆتێ:
کوڕێ من دێ هندەک شیرەت ل تەکەم بخۆ هلگرە و هەکە تە دا ئێکی هەر بۆتە خێرە.
کوڕێ وی گۆت: بەلێ بابۆ ئەز وێ ل بەندا شیرەت و نوسیحەتێن تە کەرمکە:
حەکیم لوقمان گۆتێ:
دووا ژبیر نەکە
دوو وێ ل گەل تە
دووا ژبیر بکە .
کوڕێ وی گۆتێ: بابۆ ب خێرا ناڤێ خودێ ڤان گۆتنێت دوو دوو دوو بۆ من زەلالکە و شرۆڤەکە.
حەکیم لوقمان گۆت: دووا ژبیر نەکە ( ئێک خودێیە و یا دوویێ مرنە).
1- ئێک خودێیە و نابت ب چو رەنگا ژبیر بکەی چنکو خودێ ئەم وێ داین و خودێ دێ مەبەت، و سەبەقەیەک ژ ئەدەبێ دینێ مە ئێزدیان دایە دیارکرن و دبێژت:
پەدشایێ من نوورە
ئەو ژمە نەی دوورە
ئی عالمە ب عەرد و عەزمان و بەحرێت کوورە.
2- یادوویێ مرنە نابت مرنێ ژبیربکەی و هەما تەمرن ژبیرکر دێ بەتەر و غرووربی و هەر رۆژەکێ دێ مری و دێ بێژی خۆزی من مرن ژبیر نەکربە هەر وەسا سەبەقەک ژ ئەدەبێ دینێ دبێژت:
نابت مرنێ بکەن ژ خەیال
بەری روحا وە ببەن ژ بال
لسەر روحا وە هەینە سەوال .
حەکیم لوقمان گۆت: دوو وێ ل گەل تە (ئێک راستی یە و یا دوویێ چەپی یە).
1- راستی و هەکە تەبڤێت توی رست بی دێ گەهیە مرازێ، ژ ئەدەبێ دینێ دبێژت:
وەختێ تو هاتییە دڤێ دنێ دە
راستیێ بێژە ژ خودێ رە
تالیا راستیێ هەر فێ دە.
2- یا دوویێ چەپی یە هەکە تو چەپیێ ژ هزر نەبەی دێ ئێیە خاپاندن و چەپی شەرمەزاری و روو رەشی یە، و یا باش ئەوە تو خۆ دور بکەی ژ چەپیێ و نەهەقیێ، چەپی و نەهەقی کلیلا جەهنمێ نە و خۆ ژێ دوورکە.
حەکیمێ لوقمان گۆت: دووا ژ بیر بکە ( ئێک قەنجی و یادوویێ خرابی).
1- ئێک قەنجی دەمێ تو قەنجیەکێ بکەی ژبیر بکە و چو جاران نەبێژە: من قەنجیەک کر یان من قەنی ب فلان کەسی کر و گاڤا تو بینیە زمان هەر وەکا تە ئەو قەنجی نەکری و دێ بئاڤێ دا چت و هەکە تە ژبیر کر دێ خودێ بۆ تە ب خێر نڤیست، و لسەر وی کەسی فەرە یێ قەنجی پێهاتبتە کرن دڤێت قەنجیا کەسەکی ژ بیرنەکەت و سەبەقەک ژ ئەدەبێ دینێ دبێژت:
هەکە ئێک قەنجیەک بتەکر ژبیرنەکە
توی داینداری ب هەق بکە
دا باتن ل تە حەلال بکە.
2- یا دوویێ خرابی هەکە ئێکی خرابی بتەکر و نەخێر خوازێ تەبوو، دڤێت تو ژبیر بکەی و نەبێژە فلان کەسی خرابیا بمن کری هەکە تە ژبیر کر دێ سەرکەڤی چونکە خودێ هەڤالێ هەقیێ یە و دێ جزایێ تە ژوی خرابکاری وەرگرت، و هەکە هەر تو دووبارەکەی و بێژی فلان کەس خرابکارە هنگی هەقێ تە لسەر وی نامینت تە زمانێ ئەو رەش کر و سەبەقەیەک ژ ئەدەبێ دینێ دبێژت:
خرابا نەینە مالا خۆیە
و نەبێژە فایدێ من ژێ هەیە
ئەو چو جارا باش نابت ژ خرابیێن خۆیە.
کۆڕێ حەکیمێ لوقمان گەلەک رازی بوو ژ شیرەت و وەسیەت و نەسیحەتێن بابێ خۆ و دەستێ بابێ خۆ ماچکر دانا سەر سەرێ خۆ و گۆت: بابۆ شوکر ژ ناڤێ خودێ تە ئەم ژڤان شیرەت و نەسیحەتێن دەولمەند بێ بەهر نەکرین و هەکە ژ مەهات ئەم کەسی ژێ بێ بەهر ناکەین و ئەڤە کار و خزمەتا رێیا ئۆلا ئێزدیاتیێ یە
پیر خەلات ئەلیاس. [1]