ب دەستووری خودێ

مەلک ناسردینە: چەند موخلەقەتێ روح ل بەر دئینە
شەڤێت گران خەو لێ نینە
ژ بەر صاف و ھەیبەتێت مەلک ناسردینە

***

(چەند سەبەقە ژ قەولێ مەلک ناسردین ):-

چەندی مەدەھا ژێ د دەمە
ژ بەری لۆح و قەلەمە
ژ بەری ھەوا و ئادەمە
یا سلتان ئێزی ! ژ بەری ھنگی ب نۆت ھەزار سالی ئەزی ل با تە مە.

***
یا سلتان ئێزی ژ بەری ھنگی ب نۆت ھەزار سالی ئەزی ل وێ بووم
ئەز نەیی ژ باب بووم نەیی ژ دێ بووم
ئەز دایم ل بەر کەرەما مەولێ بووم

***
ئەز برمە بەر کەرەما وی مەولای
دانامە بەردەستێ وی ھۆستایی
ئێ ژ مڕا کری خۆشی و شاھی

***
یێ خۆشی و شاھی ژ من را کری
تە ئەز برمە سەر تەریقەتا مەلکێ فاخری
ھنگی من زانی تو خدری ی ب خدری

***
دا بدەین مەدەھێت عەزیز مەلک شەرفەدینە
گەنکی دێ ژ مەرا ئێتن مزگینە
ئەوێ رۆژێ ، دێ دەرکەڤت خیڤەتا تەرەف زێرینە.

***
ئەوێ رۆژێ خیڤەتا تەرەف زێرین دێ دەرکەڤی
ئەوێ رۆژێ دنیا دێ لێک کەڤی
ئەوێ رۆژێ ئێزیدخانە دێ ل خۆ شک کەڤی.

***
ئەوێ رۆژێ ئێزیدخانە ل خۆ دێ مینت ب شکە
ئو کەسەکی بەر بەندا خالقە
قەستا دامانا خەرقێ شیخادی بکە.

***
یا سلتان ئێزی ! مفعەتێ تە وێ ل ھەموو دەردا
مە ژ کەلیما تە خەبەردا
رێیا مەلەکا دا بوو ب سەردا

***
رێیا مەلەکا دا بوو ب سەردا
ھنجیێ ب ئۆل و ئەرکانێت شیخادی بێتن باوەرە
مالا ئادیا تەریقەتا ھەر و ھەرە.

***
ھوون برایێت من وەرن
ئو سوڕێت موخفی داھر کرن
مشتەریێ قوماشی وەرن .

***
وەرن موشتەریێت قوماشی
ئو ب نەزانی نەدەنە سەر کاشی
دا ھەموو عەمەلێت وە نە چنە دیوانا سلتان ئێزی ب بەلاشی.
تەمامەتیا ڤی قەولی ل خودانی

***

یێ تەمام خودێ یە
[1]