پارلەمان parlman
بە کۊمەڵێ هۊرچنیایا ماچان هەکە ئەرکو یاسا نېیارەیشان ئینا گەردنەنە، جە ئێران و تورکیا پەنەش ماچان (مەجلیس) ، وەڵاتە یۊگېرتەکۍ ئەمەریکای پەنەش ماچان (کۆنگریس) .
ئەندامۍ پەرلەمانی بە دەنگو خەڵکی ملانە دلۍ پارلەمانی، بڕێ یاگانە بە میراتی پەیشان مەنۊوە.
هۆرامیەکۍ سەردەمە کۊنەکانە خاوەنو پارلەمانی بیېنۍ بە نامۍ (مەرۍ) ، ئەندامەکېشا کە خەڵکی هۊرچنیېنۍ پەنەشان واتېنۍ (ژیرلۍ مەرۍ) ، ئا پیێ ئاقڵۍ بیېنۍ کە دلۍ پروسێوە دیموکراتینە هۊرچنیێنۍ.
پروسەو دەنگداینە میوە وشکەکېشا نیێنېرەو هەر نەفەرێ کە وېش هۊرچنېیەن بە میوێ وشک پېسە (هەڵووچۍ، شېڵانۍ، ساوۍ، مرۊ، ...هتد) وېنا کریان، ئیتر خەڵکەکە بە سەرە ئا میوەشا هۊرچنېیەن کە وېناو ئا کەسەیە بېیەن لاشاوە شایانو ئا یاگۍ بېیەن، وستەنشا دلۍ تۊرەکێ وەردەمو پیرێ کە بە تەمەنتەرین ئەندامو مەرۍ وەڵینۍ بېیەن، دمای پروسەکەی تۊرەکەکەشا هۊرمتەن و میوە وشکەکېشا جیێ کەردېنێ، گرڎ کەسێ دەنگەکۍ وېش دریێنۍ پەنەش.[1]