نێزی 80 ساڵان بەریا نها، ل کوتایێن ساڵا 1941 دە #شێخ مەحمود حەفید# نامەیەک ژبو کوردێن ڕوژهەڵاتێ کوردستانێ دێ ڤڕێ کەت ژبەرکو کارینە بگەهنە ڕوسیا ئانکو (ئێکەتیا سۆڤیەت)ا وی سەردەمەی. لدیف گوتنێن ماموستا حەسەن رەحیم قازی، نامەکە ژئالێ ڕەحیم قازی پسمامێ #پێشەوا قازی محەمەد# هاتییە نڤیساندن.
د نامەیێدا شێخێ نەمر داخوازیێ ل کوردێن ڕوژهەڵاتێ دکەت کو ب باوەڕی و بێی دودلی پێوەندیێ دگەل ئێکەتیا سۆڤیەت موکمتر بکەن و ب هیڤیا هندێ کو ئەڤ کارە ببیتە ئەگەرێ ڕزگاربوونا کورد ل بن دەستێ دوژمنان. نامەکە گوزارشتێ ل ئاستێ خەمخوریا شێخێ نەمر دکەت ژبو بدەستڤە ئانینا سەربەخوییا کوردستانێ.
دەقێ نامەیێ:
$کاخەزا شێخ مەحمود ژبو نینەرێن کوردستانا ئێرانێ ل ئەخیرێن ساڵا 1941-دا :$
ئەژ پڕ ب دل شادم بوێ چەندێ کوو هین کارینە بچنە ئێکەتیا سۆڤیەتا خوشتەڤی (باژێڕێ باکو).
ئەی هەڤاڵ و هەڤخوینێن من یێن کورد، هیڤیێ ژ هەوە دکەم و دبێژمە هەوە کوو ژبلی ئێکەتیا سۆڤیەت باوەڕیا خوە ب توو کەسەکێ دن نەکەن، بە توو قسەیێن درەو سۆزێن بەروڤاژیێ سۆڤیەتێ باوەڕ نەکەن، گوهێ خوە ژبو قسەیێن خوەشێن دوژمنان شل نەکەن، خائینێن میللەتێ کورد هەمی جارێ ل دەستێ ئەوێن کو ئەم ژی دناسین (ئیمپریالیمزمی ئینگلیزی) وەکە گوستیلکێنە د دەستێ وانا دا. زور ب هێز دەستێ ئێکەتیا سۆڤیەت بگرن، چونکی هەر ئەوە کو ڕزگارکەر و کەلها تەڤایا نەتەوێن بن دەستێ ستەمکارانە.
ل 26ی ئازارا ساڵا 1946 ژبەر زەختا هێزێن رۆژئاڤایی ب تایبەت ئەمریکا، ئێکەتیا سۆڤیەت سوز ب حکومەتا ئیرانێ دا کوو ل ئازەربێجان ڤەکشیێت. ل مەها حوزەیرانێدا ئیران کاری ئازەربایجان کۆنتڕۆڵ بکەت و کۆمارا کوردستانێ ل سۆڤیەتێ قوت بکەت، ئەڤەش بوویە ئەگەرێ نەمانا چاڤکانییا دارایی و پشترە تێکچوونا کۆمارا کوردستانێ. ل 17ێ کانوونا ئێکەما ساڵا 1946 حکومەتا ئیرانێ باژێڕێ #مهاباد#ێ داگیر کر و پشتڕە ل ڕوژا #31-03-1947# پێشەوا قازی محەمەد لسەر کوردایەتیێ ل هەمان وێ گوڕەپانێ کو کۆمارا کوردستانێ لێ هاتبوو راگهاندن ب سێدارەیێ هەلاویستن.
تێبینی:
- ئەڤ نامەیە ل ئەرشیفا ماموستا ڕەفیق حیلمی هاتییە وەرگرتن و ژبو ئێکەم جار مەجید ساڵح ل رێکەفتا 2019/1/22 بەڵاڤ کرییە.[1]