بینا سۊتەکی سیروانی چېشبۍ؟ چەنی قۊمیا؟
نویستەی: #فریاد هەورامی#
ساڵەو (1975) جە ڕېکەوتن نامەو جەزائیرینە بڕگێ جە ڕېکەوتن نامەکەینە بڕیار سەرو تەقنایۆ لادەگاکا سنور و هەڵەبجەی دریا بە قوڵای (24کیلۆمەترا) بڕیارەکەنە ڕېکێ کەوتێ سەرو ئانەی هەکە لادەگێ کێ چەنی خوڵێ یەکسان کریاو و خاپوری کریاو یانەکاشا تەقناوە بە (TNT) و خەڵکەکەیش فاڕاوە پەی کۊمەڵگە زۊرە ملێکا.
ڕژێمیو عێراقی جە بەروار و 27و 9و 1978ی دەسش کەرد بە جێبەجێ کەردەی بە یۊ جە بڕگێ ڕېکەوتنامەو جەزائیری، لادەگێکی هۆرامانیش گېرتێرەو هۆرامان کاولکریاو یانی لادەگێکېشا خاپورکەردێ و خەڵکەکەش گیریارە پەی کۊمەڵگە زۊرە ملێکا زەمەقی، سیروان، هەڵەبجە، خورماڵ، شانەدەری.
خەڵکو هۆرامانی ڕاگوێز کریاپەی ژیوگەیە و ژیوای تاڕدە جیاوازی، بەشێ جە خەڵکەکەیش جە فەرمانگە حکومیەکانە مەرزیارەو بەشێچش دەشتەو شارە زوورینە دەسشا کەرد بە کاری و کشتوکاڵی کەردەی پێ شێوە ژیوایشا بەردەوامبێ.
ساڵەو (1979) ی گەلو ئێرانی ئینقلابش کەرد و حکومەت و شای وڕا، ڕژێمو عێراقی پەشیمان بیۆ جە ڕېکەوتن نامەو جەزائیری هەکە خلیجی عەرەبی بیۆ بە ئێرانی هەر پەوکای ساڵەو (1980) جەنگ و ئێراق و ئێرانی ورگیساو هەشت ساڵی سەرمڕەیش کېشاو و کاولکاری و نەهامەتیش دما وېشەرە ئارد.
ڕۆژانە ڕژمی عێراقی ئێرانی بەشێوێ کۊرانە دێ وەرو تۆپاوە ئێرانیچ جوابش دیوە و مەنتیقە سەر سنوریەکا تۆپ واران کەرۍ هەتا خورماڵ ناچاری جارێوتەر ئاوارەو سیروانی بی خەڵکەکەش ئاما بینێ تەمام نەکریاکا ئاکاتەو سیروانی
(23) یانێ جە کۊمەڵگاو خورماڵێ بەناچاری دیسان ئاوارێ سیروانی بی جە بینێ دوە قاتەنە نیشتەجێبێیێ، ڕۊژانە چېرو ڕەحمەت و تۆپەکا ئێرانینە ژیوێنێ ژیوایێ تاڵ هەتا بەیانێ سپاو پازدارا جەڕاو ڕادوێنیۆ بانگەوازش کەرد هەکە سیروان تۆپ واران کریۆ خەڵکی مەدەنی وېشا پەنا بېیا، چوار دەورو بینێکێ یانیش چەنە بینێ یانەکېشا مەحکەمێ نەبۍنێ هەر پەوکای پسە پەناگەی بێنکېشا بەکار ئاوردە و پسە پەناگەی لوێ دلێ بینێکی
سەعات 11و بەیانی ڕۊ (6-8- 1986) تۆپێ ماڵاش بینێکێرە و سەیارو و سوتەمەنی جە غاز و نەوتێ خەڵکو دلێ بینێکێ گرش گېرت و قیامەتێ درووسیا پەی ژن و زاروڵە و گەنج وپیرو دلێ بینێکێ ئیسە چېوە ئا تراژیدیا باس مەکریۆ هەکە ملو خەڵک و بەش مەینەت و هۆرامانیرە ئاما، یاگی داخێن چی مەرگەساتەنە زیاتەر جە (300) کەسێ سۆتیۆ شەهیدێ بێ.
یاگێ باسین بەندە جە چوارچېوەو کتېبێنە بەنامۍ (بیناسوتاوەکەی سیروان لە زمانی شایەتحاڵەکانەوە) کتېبێم بەچاپ یاونان و وەڵام کردەنۆ کە گردو لایەن و بوارەکا مەرگە ساتەکەیم ئاشنا کەردەن.
یاگێ داخێن هەکە حکومەت و هەرۍموو کوردستانی جە ڕوو گرد بوارێنە فەرق و جیازیشا کریۆ چەنی شەهیدەکا مەنتیقەکا تەری هەرۍموو کوردستانی و شەهیدا بینێ سوتەکێ.
ڕۊحشا ئارام و یاگێشا بەهەشتبۆ.[1]