پاریزنای زوانی
ئینەی ویندیش بەرنامەو زاڕوڵان جە شەبە کوردستان جە وڵاتو ئێرانی چی بەرنامەنە سەردانو دەگاو بیسارانیشا کەردەن پەی ئەژناساو بیسارانی و زاڕوڵا بیسارانی هەر پیسە ویندی پیشکەشکارەکی بە زوانو ویش قسی کەرو میمانیچ بە زوانو ویش جواب مڎوە!
کەچی لاو ئیمۆ بوونەو قسێ بیمەکیوە کە وەڵابېیەنۆ دلیمانە با کابرا یاونە مەجبور زوانما فاڕمی! ئینە چن دەلیلیش ئینای پەشتیۆ یان ئانەن کە هۆرامی زوانو ئەڐایش بە کەم زانو یان فرە ویش گولانە کەردەنۆ یان ویش بەکەم زانو ئینجا ئینەیچ بېیەن بایسو ئانەی کەس نی فیرو زوانو هۆرامی بوو چوون کاکی هۆرامی دایېمە زوانو ویش فاڕو ئیتر چ پەنەوازێش هەن فیر بوو! تەماشەو گردو کاناڵە ئەوروپیەکا کەردی کابرا می بەزوانو ئەڐای ویش قسی کەرو چیرنویسش پەی کەرا کەچی چیگە بە چەپەوانەن میمان می بە زوانو پیشکەشکاری قسی کەرو!
چی مەسەلینە ڕاگەیاندنکارەکی ویچما کەمتەرخەمینمی چوون ویتا زاندی فرەو میدیاهەرمانەکا ئینای کەناڵەکانە کەچی ڕوەشا نېیەنە بەزوانو ئەڐایی ویشا قسی کەرا کەچی ڕەفیقە سۆرانی و کرمانجیەکیش بە شانازیۆ بە زوانو ئەڐایی ویشا قسی کەرا
ئیڐیچ مەیا ڕوو زوانو ئەڐاینە دووی قسی کەرا کەراش هەڵا ئەجۊشا هەنگونشا ئیستەنۆ ئی مەسەلی چیوی فرە هەن سەرش وچیو من جیاش مازو پەی شمە.
ڕێبوار هۆرامی.[1]