جاڕ و جەنجاڵوو فەرەنجی (کوڵەباڵ) ی بە کۆگەما مېیاونۆ
شکەش نېیەنە چەنە کە هەر گرووپ خەڵک، یا مێللەت نەتەوێو جە مەنتەقێوی جۆغرافیایەنە بژیوۆ، ساحێبوو وېیەردېویا کە چەنەش ژیوان.
ئی وېیەردە فەرهەنگېو پەی ئا خەڵکیە وەش کەرۊ، کە تەنیا تایبەت بە وېشا و چەنی یاگەکاتەری فەرقش هەن.
سوور پۆسەکێ کانادای و ئەمریکای شماڵی، سامەکێ اسکاندیناوی، ئیرلەندیەکێ ئیرلندی و ئینگلیسی و چن تیرێ و تایفێ گۆرێ ئەفریقائیێ.
ئینە چن نموونێ گولانۍنێ جە هەشت ملیارد خەڵکەکەو ئی کرەو زەمینیە.
سوور پۆسەکێ کانادای و ئەمریکای پەلێ داڵ و هەڵۆی کەرا سەرو کڵاوەکاشارە و ئەقیدێشا ئانێنە ئی پەلێ نیشانێ ئازایی و تێژی و مدرامانېیەنە.
سامەکێ سۆئێدی وئسکاندیناوی، ڕەنگەو جلەکاشا شادەنە و جنسوو جلەکاشا جە پەژمی خالسی چنیێنێ. ئەقیڏێشا ئانێنە کە ئی جلێ بێجگەم گەرماکەیشا، شاڏیچ بەخشا بە ژیوایشا.
ئەفریقایەکێ بەپاو ئا یاگێ کە مژیوا، جلێشا و فرموو دیمەنیشا چەنی جانەوەرا ئا یاگێ یۊ گېرۆوە و فرەو گېیاندارا لاشاوە موقەدەسێنێ.
فەرەنجی و کوڵەباڵ پەی ئېمەی هۆرامی، جە دەرەجەو یۆوەمیەنە، نیشانێ پارێزنای لاشەیەنە وەراوەروو سەرداو زمسانی و گەرماو هامنیۊ.
کڵاشێ کە سەرزەمانێو پاڵێ ژەنایچ بېیېنۍ، هامنەنە پەی پارێزنای پەیا جە وەراوەروو گەرمایۆ بە کارشا ئاردێنێ.
ئی دەردێ، جە وەراروەروو دەردەو زوانەکەیماوە کە ڕوەرو نابوودی ملۆ. فرە گولانۍنێ.
ئیسە چی دنیا موتەمەدنوو ئارۊیەنە، ئی فرمە جلێ تەنیا جە مەراسمەکانە بەکار مەیا و پېسە نمادېو یا نیشانېوێ جە وېیەردەو ئا خەڵکیەنێ.
بە قۆڵوو نیچەی هیچ چېوێو یا پەدیدېو، وېش دلێ وېشەنە موقەدەس یا ئێخلاقی نیا، ئانە ئېمەنەمێ کە تەقەدۆسش مدەیمێ پەنە و ئێخلاقیش کەرمۍ.
ڕەزا بەهمەنی.[1]