ژیری سەرچەمەو گرڎ چېوێن

کتېوە یانېوەنە گرد ڕوێ سەرو قەراخە نانێ یان پېشە کڕیایېوە ڕوێ نېیا دوێ گزیۍ یام دوۍ نەعلێ نەوەرۆ، نەڕوێ هەنو نەدوێ، عاقیبەتو کاری ماچۊ ڕوێ کەڵەشیری هەزار ڕوێ وارۆکەیی مێژۆ، ئینە هەرمانە نېیەنە سەرو تیکێ نانی گرد ڕوێ ئی عەزابی چەشو، قینیێنە مڎەو کەش، دماو ئانەی کەشۆ کوچێ خولیېوە چەمش گنۆ دەعبێوە، هەردوۍ مڎیا یۆترینیرە کە یۆی مشا عاقیبەت دەعباکە ماچۊ بە کتەکێ: ئەرۍ منو تۊ یۆی مشمێ تۊ چی ئاڼە وچکلێنیو منیچ چی ئڼە زلنا، کتێچ ماچۊ دەعبا تۊ جارێ نامېت چېشا، دەعبایچ ماچۊ من نامېم پاڵنگا، کتێ ماچۊ تۊ پەوچی زلنی ئازادنیو پی کەشو کۊ کەمەراوە بېیەنی، منیچ چېردەسێ بیێناو گردڕوێ پەی نانە ڕەقێوە عەزابشا دێنا پەوچی پی نۆعە وچکلێنا و خزمەتکارو دەعبێوەنا هیچ چیوێ دەرەقەتش نمێ پەنەش ماچا ئینسان، پاڵنگیچ ماچۊ بلم نیشانەمدە بزانو دەرەقەتو منمێ، کتێچ گنۆ وەڵێ پاڵنگیو ڕوەو دەگا گنۆ ڕا، وەڵێ ئانەینە یاوا دەگا تەقەو تەوەری مێ، کتێ لاگېرۆنەو ماچۊ بە پاڵنگەکەی ئانە دەعباکەن من مەیارو بەو وەرۆو تۊ لوەش پەی، پاڵنگ ملۆ مڎیۊ پیېوە پیرا ئامان پەی هېزما، واچۆ ئەی دەعبا کەماچات پەنە ئینسان بۊ با زۊرانێ گېرمێ، پیا پیرەیچ ماچۊ تۊ پا کەڵبە تێژاوە من دەرەقەتو تۊ نمەو بابلو دەگانە وەسیلێ بارو جا زۊرانی گېرمێ، پاڵنگەیچ ماچۊ لوە منەتەت نەبۊ من نیشو دیارتۆ، پیرەیچ ماچۊ من باوڕمەکەرو با پیوەرێسێ بەسوتۆ نەوەک بلی و بەربشی، پاڵنگەیچ چوارپەل کېشیۆرەو پیا پیرەیچ هەر چوار پەل بەسۆشۆ، تەڕکێ تەڕ مارۆ کۆگەت مېشۊ، کتێچ ئینا چەمۆ واچۆ هەڕەسەرەترە پەنچ دەیەقێ تەر پۆسەکەیت وەژۆنەو بەرۊش پۆس ورەشانە ورەشۆش، وەسنەبی من بەنیم گېیان بەرشېیا تۊ گېیانو وێچت نیاترە.
عەفان دەرەمەڕی.[1]