دەمەتەقێوە سەرو ڕۊمانەو چنارەی
بەشۍ: یەکەمە
وەڵ جە گرد چیٛوی وەشحاڵەنا سەرو ژانەریٛوی ئەدەبی قسۍ کەرو کە بەزاونو ئەڎایی ویٛم نوویسیان و بەزوانی ئەدایی ویٛچم قسیٛش سەرۆ کەرو! هەرچن جە قافڵه و ڕوٙمان نوویسی دما کەوتیٛنمیٛ بەڵام هیٛشتای درەنگ نەبییەن و ئەر هۆریٛشەئاسا ئی ڕای بڕمیٛ نەک جیانمەمانمیٛ، بەڵکو دوور نېیا گنمیٛ وەڵیٛ خەڵکیتەری!
ڕوٙمانە یان داستانیٛ دریٛژە بەشیٛو بنەڕەتی جە ئەدەب و ویٛژەیا کە هوٙسایی و زانایی و توانایی تایوەتش گەرەکەن بەتایبەت بەزوانی هۆرامی کە هیٛشتا پیٛسە زوانی مەدرەسەیی نەکەوتەن سەرو سکه و نویسەی و وانای پەی نوویسەر و وانەری هۆرامی!
کاک ڕەزا دەسش پەی ئی ژانرە ئەدەبییە بەردەن کە جە ڕاسییەنە دلیٛو جووڵەی ئەدەبیی هۆرامییەنە فەقیر و بیٛ نام و نیشانەن! خوٙزگە جیاتی ئی گرد شیٛعر نویستەیە چن کەسیٛوتەر پیٛسە ماموٙسا ڕەزای لاشا کەردیٛوە سەرو ڕوٙمان نوویستەی هەرچەند کە شیٛعر و پەخشان و سەربوردە و فولکلوٙر، گردشا تەمام کەریٛ یوٙینیٛ.
ڕەفعەت مورادی.[1]