جەولەی سێیەم لە قۆناغی یەکەمی یارییەکانی خولی تۆپی پێی تازەپێگەیشتووانی یانەکانی کوردستان بەڕێوەچوو، لە بەهێزترین یاری ئەو جەولەیەدا و لە شاری #کەرکووک# ، تیپی تۆپی پێی تازەپێگەیشتووانی یانەی وەرزشی پێشمەرگە بوونە میوانی تازەپێگەیشتووانی یانەی شۆڕیجە کە یەکێکە لە تیمە ڕکابەرەکان.
یارییەکە لە کاتژمێر 4:00 ی ئێوارەی ڕۆژی شەممە #02-09-2023# و بە فیکەی ناوبژیوان محەمەد عەبدول کەریم دەستی پێ کردوو هەر لە سەرەتاوە هەردوو تیم بە ڕکابەرییەکی بەهێز بینران و هێرش لە دوای هێرش ئەنجامیان دەدا بۆ سەر تۆڕی گۆڵی یەکدی تا ئەنجام لە بەرژەوەندی خۆیان یەکلابکەنەوە، بەڵام بیرمەندی ڕاهێنەری پێشمەرگە و پلانەکانی بۆ ئەو یارییە و جێبەجێکردنی لەلایەن یاریزانە بەرگ شێرەکان توانیان ئەنجام لەبەرژەوەندی خۆیان بە کۆتابهێنن دوایی ئەوەی لە خولەکی 77 یاریزان سامی سەعید توانی گۆڵی یەکەم و تاکە گۆڵی یارییەکە تۆمار بکات و بەو سەرکەوتنەش کوڕانی پێشمەرگە بە کۆی 9 خاڵ لە لە کۆمەڵەی سێیەم سەرکەوتنیان بۆ قۆناغی داهاتوو مسۆگەر کردووە.
ئەمە و لە جەولەی چوارەمی یارییەکان تازەپێگەیشتووانی یانەی پێشمەرگە چاوەڕوان دەبێت و لە جەولەی پێنجەمدا و لەدەرەوەی یاریگەی خۆی دەبێتە میوانی تازەپێگەیشتووانی #یانەی وەرزشی هەڵەبجە# لە شاری هەڵەبجەی شەهید.
[1]