تیپی تۆپی پێی یانەی وەرزشی پێشمەرگە دووەم یاری دۆستانەی لە شاری #هەولێر# ئەنجام دا و میوانداری لە یانەی کەرخی خولی نایابی ئێراق کرد.
لەو یارییەدا کە لە کاتژمێر 1:00 ی پاش نیوەڕۆی ڕۆژی پێنجشەممە #05-10-2023# و لەسەر یاریگەی #یانەی وەرزشی برایەتی# بەڕێوەچوو دوای پیشان دانی ئاستێکی بەرز لەلایەن یاریزانانی هەردوو تیم دواجار یاریەکەیان بە یەکسان بوون و بە گۆڵێک بۆ هەرلایەکیان کۆتایی هات و گۆڵەکەی یانەی پێشمەرگە لەلایەن یاریزان (بەهەست هاوڕێ) و گۆڵی یانەی میوانیش لە ڕێگەی (جەعفەر عەبیس) تۆمار کرا.
جێگەی باسە تیپی تۆپی پێی یانەی پێشمەرگە درێژە بەکەمپە ئامادەکارییەکەی لە شاری هەولێر دەدات و بڕیارە چەند یاریەکی دیکەی دۆستانە ئەنجام بدات تا لە وەرزی نوێی خولی پلە یەکی تۆپی پێی یانەکانی ئێراق بتوانێت ئەنجامی بەرچاو بەدەست بهێنێت.[1]