دەوترێت خۆشەویستی وەکوو گەشتێک وایە پڕ لە بەرزی و نزمی، بۆ هەندێک کەسیش خۆشەویستی تەنیا یەک ڕێگە نییە، بەڵکوو لە ژیانیاندا بە چەند ڕێگەیەکی جیاوازی خۆشەویستیدا تێدەپەڕن و تەنیا یەک جار ناکەونە داوی خۆشەویستییەوە، بەڵام هۆکاری ئەمە چییە؟

=KTML_Bold=1. هەلی تازە پەسەند دەکات=KTML_End=
هەندێک کەس کاتێک دەکەونە داوی خۆشەویستی و پەیوەندییەکەیان شکستخوارد و دەبێت، لەبری ئەوەی بەتەواوی دڵیان لە خۆشەویستی بشکێت، هەلی دووەم بە خۆیان دەبەخشن و دووبارە ئەو ئەزموونە بە جیاوازتر دەکەنەوە.
=KTML_Bold=2. فێردەبن و گەشە دەکەن=KTML_End=
هەمو چیرۆکێکی خۆشەویستی وانەیەکی ژیانی تێدایە، بۆ هەندێک کەس کە لە چیرۆکێکی خۆشەویستی دێنەدەرەوە، گەشە دەکەن و ئەزموون وەردەگرن، ئەم گەشەکردنەکەش یارمەتییان دەدات ئامادەبن بۆ چیرۆکێکی خۆشەویستی نوێ.
=KTML_Bold=3. گۆڕینی لەپێشینەکان=KTML_End=
لە هەر قۆناغێکی ژیاندا مەرجی جیاواز هەیە بۆ ئەو کەسەی دێتە ژیانیانەوە، ئەگەر سێ ساڵ پێش ئێستا کەسێکیان بە چەند تایبەتمەندییەکەوە ویست بێت، ئێستا گرنگیی بەو تایبەتمەندیانە نادەن. [1]