سەردایێ پەی مەڵبەڼو ڕۊشنویری هۆرامانی
دەسەو ڕاوەبەری ڕېکوزیا سەرداو (مەڵبەندو ڕۊشنویری هۆرامانی) یشا کەرد.
دەسەو ڕاوەبەری جە لاو ئێژا مامۊسا (ئەیوب ڕۊسەم) ی وەرپەرسو (مەڵبەندو ڕۊشنویری هۆرامانی) و هامکاراش پېشوازیشا وەنەکریا.
جە دیڎارەکەنە جە لاو ڕاوەبەرو ڕېکوزیایۆ (کاروان حەسەن) ڕۊڵ و هەرمانە و یاگەدەسو (مەڵبەندو ڕۊشنویری هۆرامانی) پېسە یەکەمین ئەرەمەرزیایی کەلتووری هۆرامانی و دڵسۊزی و مانیای و خامە ڕەنگینەکەو وەرپرسەکەیش ئێژا (ئەیوب ڕۊسەم) بەرز هورسەنگیا.
جە درێژەو دیڎارەکەینە قسەوباس سەرو هەرمانەی هامبەش و پێوەرەیی کریا و دەسەو ڕاوەبەری ژیوای (مەڵبەندو ڕۊشنویری هۆرامانی) شا بە ئەڎاو گردو ڕېکوزیاکاو فەرهەنگو هۆرامانی نامۍ بەرد، وەشحاڵی وېشا جە بارەو هەرمانێ پێوەرەیی پەی وەڵۋستە و پارێزنای فەرهەنگو هۆرامانی نیشان دا.
ئێژا (ئەیوب ڕۊسەم) پەنەوەشحاڵی وېش پەی سەرداکەی و هەرمانێ هامبەشی هەردوێ لای وست ڕوە.[1]