قژە کاڵیلەکاش شانەکەرۍ
وەروو جامەکەینە قژەکاڵیلەکاش، شانەکەرېنە و ڕازنایشاڕازنێوە. تەماشایېوە مەعناڎارش ئاستەرە! خێرا ملش هورچەرخناوە و دەسش ئاستانێ. گۊشوارەکەش بیەبێ تابلۆیېوە پلوورەوارانۍ سەروکەشو گەردەنیش. تەماشام چەنەش نەتەمامیێ! جم و جووڵش وستەبېنە هەیوانەکێ و چەمېم کەوتێبێنێ گېیانکەنشت. چینەی زیاتەر هېزوتەوانام ڕاش نەدانێ ئاماولوایش وینوونە. چەمېم چەنەش تەمامیەیبێنێ، تابڵۆو پلوورەوارانەکەی کۊشنەیبێنێوە!
بورهان ئەختەر .[1]