مەراسموو بەخشای بڕوانامەو فێرکاری ڕانویسی هۆرامی
مەراسموو بەخشای بڕوانامەو فێرکاری ڕانویسی هۆرامی بە زاڕۆڵا لوا ڕاوە.
درێژەو هەرمانەو چالاکی و هەوڵه فەرەنگیەکاو ئەنجۆمەنوو ڕۊجیاریەنه، ڕۊدیاروو شەممەی، 26و مانگەو سیاوکاموو (1402)ی، کۆچی ڕۊجیاری، مەراسموو بەخشای بڕوانامەو فێرکاری ڕانویسی هۆرامی بە زاڕۆڵە بەشداربیەکاو دەورەی، یاگێو ساڵۆنەو کونفرانسوو ئێدارەو فەرهەنگ و ڕانموونی شاروو مەریوانېیەنه، لوا ڕاوە.
ئی مەراسمە بە فەرمایشە بەرزەکاو ئازیزاو کومیتەو ئەدەبېیاتوو زاڕۆڵا دەسش پەنە کەرد. کۆنیشتەکە بە شیعر وانایۆ زاڕۆڵا، بەیانوو نەزەرات و پەیلوایەکاشا، درێژەش پەنە دریا و کۆتا بەشەنە بڕوانامەو بەشدارا پېشکەش کریا. ئی بەرنامە جە لاو کومیتەو ئەدەبېیاتوو زاڕۆڵاو ڕۊجیاریوە لوا ڕاوە.
بنویسمێ بە زوانی هۆرامی، بوانمێوە بە زوانی هۆرامی کە ئاڵاو قەڵەمی نەبڕیەینە باڵاو هیچ مێللەتێویەرە.[1]