کورد دلۍ چەرخەکا تاریخینە
بەشۍ: سەڎ و نەوەڎهەمە
نویستەی: #هاوڕێ باخەوان#
ساڵەو (1875ز): چن تۊمارێ پېوەس پی ساڵېوە ئینێ وەردەسەنە:
* دمای ئی ساڵېوە، خېڵە کوردەکۍ ناوچەو قارسی گرد ساڵێ (720) هەزار (پێسە)، کە پېسەبیېنە سکێوە، یام پیمانێوە ئا سەردەمەیە، پېسە باجی دێنەشا دۆڵەتو تورکی.
* زێوەری شاعېر، کە نامېش مەلا عەبدوڵڵا بییەن، ئەچی ساڵېنە دلۍ شارو سلێمانی ئامان دنیا.
* ساڵح ئەفەندی ئاهی شاعېر، ئەچی ساڵېنە دلۍ شارو سلێمانینە ئامان دنیا.
* تاهیر بەگو جافی ئەچی ساڵېنە دلۍ شارو هەڵەبجەی ئامان دنیا.
* مەحاکی شاعېر کە نامېش مەحموود ئەحمەد بییەن ئەچی ساڵېنە کۊچی دمایینش کەردەن، بە داودە نامبانگش بەرکەردەن، بەڵام وېش زەنگەنە بییەن.
* ئەرمەنەکۍ زەیتونی و خېڵە کوردەکۍ ئەلبێستان و ئاچنی و چن ناوچێوە تەری دژو تورکەکا ڕاپەڕێنۍ.
* ئەچی ساڵېنە ئیسماعیل خانی سمکۆ دلۍ وەرکۆتو کوردەسانینە ئامان دنیا.
* بەرگی دوەمو شەرەفنامەی، بە زوانی فەرەنسی بە دەسو (شارموا)ی چاپ کریان.[1]