سات و سەوداو مامەڵەی چەپەڵ پاسە مکەرۊ کە ئۆرووپا ۋەراۋەر بە تورکیای بېدەنگ بۊ.
دی سانکتێز، ئەرەیاۋناش کە بە مەڵامەتوو مەسڵەحەتە ئابوری و جیۆپۆلیتیەکاوە ئۆرووپا جە ۋەراۋەرو پاشێلکارییە نایاساییەکانە جە ئیمراڵی هەڵوێسېوە بېدەنگیش گېرتەن ۋەر و واتش، جە بارەو کۆچبەراوە ڕېککەوتەیش چنی تورکیای کەرڎەن، ئینەیچ پاسە مکەرۊ کە ئۆرووپا جە ۋەراۋەرو ئاژەو دلېینەو تورکیاینە بېدەنگ بۊ. واتە ئانەی تورکیا پەی ئۆرووپایش مکەرۊ بە ڕاسی هەرمانېوە چەپەڵا. جگە چانەیچ ڕېککەوتەی سەروازیچش چنی تورکیای هەن. کاربەدەسا ئیساتۍ یۊبېیەی ئۆرووپای زېیاتەر جە ڕېزگېرتەی جە مافەکا مرۊڤی گرنگی بە بەرژەۋەڼییەکاشا مڎان.
'مشۊم عەبدوڵا ئۆجالان ئازاڎ بکریۆ، فابریزیۆ دی سانکتێز ئاماژەش بە گرنگی پاڕادایېموو ڕابەرو گەلو کورڎی عەبدوڵا ئۆجالانی کەرد و واتش، بەڕېز ئۆجالان فەیلەسوفێوە فرە گرنگا. قسەکېش جە بارەو یەکسانی ژەن و پیایۆ، هەوڵ و ئەرەکۊشای جە دژو دۆڵەتی، ئەندێشە ڕامیاریەکېش فرە گرنگېنۍ، بەڵام تا زیڼانی بۊ ئاڎ نمەتاۋۊ بە تەمامیی گوزارشت جە ئەندێشەکاش بکەرۊ. پەی ئانەی مرۊڤایەتی فەیلەسووفێوە گۆرە جە دەس نەڎۆ، مشۊم ئازاڎ بکریۆ. مشۊم ئازاڎ بکریۆ؛ ۋەرو ئانەی کردەوەکۍ دژ پاڎیی تاوانێنۍ دژ بە مرۊڤایەتی، تاوانۍ ڕامیاریێنۍ. چنی ئاڎی گەرەکشانە ئەندێشەکایچش بە دیلی بازاوە. هەر پۆکەی مشۊم ئۆجالان ئازاڎ بکریۆ. ئەندێشەکېش ئازاڎۍ بکریا، مشۊم بە شېوېوی ئازاڎ بتاوۊ بەشداری جە گفتوگۊ جەماوەریەکانە بکەرۊ.[1]