نامۍ: ئیسماعیل
نازنام: سابووری
نامۊ تاتەی: موحەمەد
ساڵۊ پېڎابېیەی: 1956ز.
ڕۊ مەرڎەی: #10-06-2019# زاینی
یاگۊ پېڎابېیەی: #نۊدشە_ هۆرامان#
یاگۊ مەرڎەی: #سلېمانی#
$ژیۋاینامە$
ئیسماعیل موحەمەد ساڵح، ئەشناسیا بە ئیسماعیل سابووری، ساڵەو (1956ز.) جە دەگاو (نۊدشە _ هۆرامان)ی پارێزگاو کرماشانی، وەرکۆتو کوردەسانی بە دنیا ئامان، ساڵەو (1979ز.) کۊلېژو هونەرە جوانەکاش جە شارو تارانی وانان و تەمامنان، تاکو ئا کاتە کە جە ئێران بېیەن (105) گۊرانیېش تۊمارۍ کەردېنۍو ئەلبوومێچش بە نامۍ (سەفەرنامەو کوردەسانی) وەڵاکەرڎەنۆ. دمای ئازادی عێراقی و جاگیربېیەی حکومەتێ ناوچەیی جە کوردەسانو پانیشتینە، ساڵەو (2003ز.) ڕوەش کەرڎە ئېگە. دماو نیشتەجابېیەیش، ئەچېگەیچ هەر خەریکو هەرمانە هونەرییەکاش بېیەن، ئەلبوومێ تەرش بە نامۍ (ویرەوەری) وەڵاکەرڎەنۆ.
ئیسماعیل سابووری، جە تەمەنو زاروڵەییشەنە بەهرەو دەنگ وەشی و هونەرو واتەیش چەنە دیار بېیەن، برێوەش بە نامۍ (فەیروز سابووری) کە گۊرانیواچ بېیەن، دلۍ ڕادوینو کرماشانینە هەرمانە هونەرییەکېش تۊمارۍ کەردېنۍ، شارەزاو بوارەکەی بېیەن، پەوکەی یاردیدەرێ خاس بېیەن پەی ئیسماعیلی برایش، دەسشگېرتەن و یاونانش دەزگاو ڕادوینی و ساڵەو (1970ز.) دەسش کەرڎەن بە تۊمارکەرڎەی گۊرانییەکاش و ئیتر ئەچاگۆ دەنگە ڕەسەن و خەمگینەکەش دریان گۊشۍ خەڵکو لادەگا و شارەکڵەکا کوردەسانیرە، دلۍ دڵو خەڵکینە یاگۍ وېش کەردېنەشۆ، ئاوازەکېش نیشتینۍ دڵ. ئیسماعیل، پېسە واتمان جە ناوچەو هۆرامانی بە دنیا ئامان، بەڵام ئاڎ ئەداو چڕیەیش و گڵوەو گۊرانی واتەیش زېیاتەر چەنی ئاوازە سۆرانیەکا گونجیابۍ، پەوکەی بە ئاقڵانە دەسش پەی بەردۍ و تاواش بە سەڎێوە خەمگینە ئەداشا بکەرۊن.
هونەرمەڽ ئیسماعیلی سابووری، ڕۊ یەکشەممەی، تاریخو (#16-06-2019#ز.) جە شارو سلېمانی، پانیشتو کوردەسانی گېیانش ئەسپاران و هەر ئەچاگە بە خاکی ئەسپاریان.
کۆچی یارم کۆچی سوورە
بەهارە خێڵ بەره و ژوورە
ڕەببی قاسید کوڕت بمرێ
یاخوڎا ئه و کۆچە سەرنەگرێ
چوونکە یارم جە من دوورە، جە من دوورە.[1]