کورد دلۍ چەرخەکا تاریخینە
بەشۍ: دوەسەڎ و هەشتا و حۆتەمە
نویستەی: #هاوڕێ باخەوان#
ساڵەو (1920ز.):
* تاریخو (#17-06-1920#ز.)، بەریتانیا قەرارو مەرزنارەی حکومەتێ عارەبیش جە عێراقەنە بەرکەرد، سێر برسی کۊکسیسش پېسە کیانیاو باڵاو بەریتانیای جە بەغڎا دەسنیشان کەرد.
* مانگەو (07) ئی ساڵېنە، ڕاپەرینێ دلۍ شارو زازای خېزیا دژو تورکی.
* مانگەو (08) ئی ساڵېنە، حەمە ئاغای گۆرە جە شارو کۆیەی کۊچی دمایینش کەرڎەن.
* تاریخو (#06-08-1920#ز.) ناوچەکانو بەعقوبە و شارەبانی دژو ئینگلیزەکا ڕاپەڕێ.
* تاریخو (#06-08-1920#ز.) حەمدی بەگی بابان نامێوەش کیاستە پەی ئینگلیزەکا، دلۍ نامەکېنە داواو ئانەیە کەرۊن کە بکەراش بە حوکمدارو پانیشتو کوردەسانی.
* تاریخو (#06-08-1920#ز.) شارو ئامێدی جارێتەر ئینگلیزەکا داگیر کەرڎەنۆ و سزاو (112) تفەنگا و (9) سڼوقە فیشەکاشا دا ملو خەڵکەکەیرە.
* تاریخو (#10-08-1920#ز.) کۊنگرەو سیڤەری بەسیان، قەرارو مافو وېچارەیی کورڎی دریا، یەرۍ مادېشا باسو گرفتو کورڎی کەرېنۍ (64، 63، 62)، ئینۍ ئا یەرە خاڵەنۍ کە دلۍ کۊنگرەو سیڤەرینە ئامێنۍ.[1]