یەکێتی ناوەندی تۆپی پێی ئێراق لەنێو بارەگەکەی تیروپشکی یارییەکانی وەرزی 2024ی بۆ خولی تازەپێگەیشتووانی نایاب و پیشەگەرانی ئێراق ئەنجام دا.
ئەمە و مەراسیمی تیروپشکەکە بە ئامادەبوونی جێگری سەرۆکی لیژنەی پێشبڕکێکان دکتۆر فورات جەبار و نوێنەری 20 یانەی بەشداری بەڕێوەچوو تێیدا و بڕیار درا کە یانەکان دابەشی سەر پێنج کۆمەڵە بکرێن بە پێگەی ناوچەی جوگرافی و هەروەک #08-03-2024# بۆ دەستپێکی یارییەکانی دیاری کرا.
ئەمە و دوای ئەنجام دانی تیروپشک و جیاکردنەوەی تیمەکان لە کۆمەڵەی یەکەم (نەفت میسان، مینا، نەفت بەسرە) یاری دەکەن و لە کۆمەڵەی دووەمدا یانەکانی (ئەمانە بەغدا، حدود، سناعە، شورتە و نەجەف) بە یەک دەگەن.
هەرچی یانەکانی کۆمەڵەی سێیەمە بریتی دەبن لە (تەڵەبە، سناعات الکهربائیە، جەویە، کەرخ و کەربەلا) و لە کۆمەڵەی چوارەمدا یانەکانی (زەورا، قاسم و نەفت) ڕکابەرن و لە کۆمەڵەی پێنجەم و کۆتا کۆمەڵەدا (پێشمەرگە، هەولێر، دهۆک و زاخۆ) یاری دەکەن.
بۆ بینینی خشتەی یارییەکانی جەولەی یەکەم بڕوانە فایلی پەیوەندیدار کە بەم شێوەیەیە:[1]