گەشتیار کېن
تکایە ئاکەسې جە مەجال گەشتیاریەنە هەرمانە کەرا ئی بابەتەیە بواناوە
ئازیزا سەرەتا بزانمێ گەشتیار کێن
گەشتیار ئاکەسەنە جە یاگۆ وېشۆ ملۆ پێ یاگېو تەری بەکاتی مەنوە ئەر کاتەکېچش درێژ بۊ موهیم نیا.
مەرامو گەشتیاری چېشا مەرامەکې فرێنێ بەکوڵی چند دانېوشا ماچوو:
یەکەم_ فاڕای جەوێوی وەشییا جیاواز جایاگۆ وېش دیەیی کلتورو فەرهەنگوو خەڵکانی تەری.
دوەم_ ئاشنا بېیەی بە یاگا تەری دی یاگە قەدیمیەکا کەرەستە قەدیمیەکا کەخەڵکی زووتەر بەکار ئاوردێنێ.
یەرەم_ دیەی کەش و هەوێوی جیاواز جە کەش و هەواو یاگۆ وېش چندین مەرامی تەرێ هەنې.
ئایا متاومې قازانج کەرمې چی ڕاوە بەدڵنیایۆ بەڵې
بەڵام مشۊ سەرو حیسابۆ فۆتیای دابوو نەریتوو کلتور فەرهەنگوو خاکو سروشتوو وڵاتەکەیما نەبۊ مەکریۊ پێ پێداکەرڎەی مەبلەغێو زەڕی گرڎ چېۋما جەدەست دێمێ.
ئازیزا؛ هەرگیز جە هەرمانێ ناڕەوێ مەبۊ شەرعیەت دەی پانەیە وەرو خاترۆ ئانەیە تۊ سود مەند بی گرچوو ڕاپنە دریابۆ، پێ نمونەی کەسېو تلیاک و سیلاح ورەشۆ خۊ ئایچ زەڕ پەیدا کەرۊ کریۊ ڕەوایی دریۊ بە هەرمانەکېش؟ نەخێر گرڎ چېوو حەدو وېش هەن. ئازیزا؛ مشۊم چن خاڵو هەنی پەیڕەوی کریا تاکو گەشتیار فرەتەر بېو لاماو زەرەریچش نەبۊ پێما.
1_ سەرەتا مشۊ بەپاو ئیمکانی مڵکو ماڵتا نەورەشدۍ بەغێرو هۆرامی، چوونکوم ئاکەسە جەگرڎ چېوەنە جەئېمە جیاوازا تەنانەت زوانیچ.
2_ یۊگېرتەری وېما بەهێج نۆعێو درزە نەبۊ پەیوەندی کۊمەڵایەتی وېمانە چوون هەروېما دەردۆ وېما موەرمې.
3_ مشۊم ئېمە جلو بەرگی تایبەتی وېما پۊشمێ، پېسە چۊخڕانک و فەرەنجی تاکو زېیاتەر سەرنجوو گەشتیارا کېشۆ لا وېمارە.
4_ چاپ کەردۆ چندین وەرەقا باسو یاگەکاما کەرۊ پێ گەشتیاری نامۆ یاگەکا و باسو زوان و وېما کەرۊ.
5_ پارېزنای شروشتی و یاگەکا پېسەوېش یان زەریف تەر، بەڵام مشۊ بە نۆعێوی سونەتی بۊ سەرنجۆ خەڵکی کېشۆ فراوان کەردۆ ڕاوجای و دور کۆتەی جە جدەی سەرجادەکی بەئاسانی گەشتیار ئامۆشیەکەرۊ دابین کەردۆ یاگۆ سەیارا.
6_ پەرەدای بە سۊز کەرڎەی زېیاتەری، بەتایبەتی درەختو سورە چناری، چوون زەریفاو زوومېیاو پنە و سەیەش وەش هەنە
7_ ئەوەڕازنای بازاڕو دوکانەکا بە نۆعێوی وەش.
8_ ڕاستگۆیی کاتو مەعامەلێنە.
9_ واز ئاوردەی جە گران ورەشی گرڎ چېو حەدوو وېشەنە.
10_ ڕېز گېرتەی جەگەشتیاری.
11_ ڕانەدای بەسەرمایە داری گۆرەی پێ پڕۆژەی گەشتیاری، چۊن دما جار وېتا جەساحیب مڵکۆ بېدێ بە هەرمانبەرە لاو ئایۆ
12_ مشۊ فرە بەوریایی مامەڵە کریۆ جن ئی بابەتەیە
چوونکوم بە چن هەڵەوێو ڕەنگا گرڎ چېو جەدەست دێمێ
ئازیزا؛ ئا بابەتە فرەتەر هۊرگېرۆ، شمێچ متاودێ دۆڵەمەنتەر کەرڎې باسەکەی.[1]