وەتەنمان بەجێ ماوە
هێزی ئەژنۆی نەماوە
تەواوی لێی قەوماوە
کوردە هیممەتێ
سادەی غیرەتێ
تا کەی ئەسیری جەهلی!؟
عالەم سەربەست و شادە
لە بەرەی خەم ئازادە
عێراقمان نامرادە
کوردە هیممەتێ
سادەی غیرەتێ
تا کەی ئەسیری جەهلی!؟
ئەم کوردە دەردەدارە
کەنەفت و خاکەسارە
بە خوێندن ئەکرێ چارە
کوردە هیممەتێ
سادەی غیرەتێ
تا کەی ئەسیری جەهلی!؟
ئەم میللەتە فەقیرە
بۆیە بێ ڕا و تەگبیرە
لە جەهلدا ئەسیرە
کوردە هیممەتێ
سادەی غیرەتێ
تا کەی ئەسیری جەهلی!؟
خوێندن باوک و برایە
بۆ پێشکەوتن چرایە
خوێندن ئەمری خودایە
کوردە هیممەتێ
سادەی غیرەتێ
تا کەی ئەسیری جەهلی!؟
هۆزانەوان: #قانع#
دیوان: #سروەی بەربەیان# [1]
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 9
כתוב את התגובה שלך על סעיף זה!