بیناکی سیروانی چەنی سوتەو ئینە چەنی قۆمیا
نویستەی: #فریاد هەورامی#
ساڵەو (1975ز.) جە ڕېکەوتن نامەو جەزائیرینە بڕگێ جە ڕېکەوتن نامەکەینە بڕیار سەرو تەقنایۆ لادەگاکا سنور و هەڵەبجەی دریا بە قوڵای (24کیلۆمەترا) بڕیارەکەنە ڕېکێ کەوتێ سەرو ئانەی هەکە لادەگێ کێ چەنی خوڵێ یەکسان کریاو و خاپوری کریاو یانەکاشا تەقناوە بە (TNT) و خەڵکەکەیش فاڕاوە پەی کۊمەڵگە زۊرە ملێکا.
ڕژێمیو ئێراقی جە تاریخو(#27_09_1978#ز.) دەسش کەرد بە جابەجاکەرڎەی بە یۊ جە بڕگێ ڕېککۆتنامەو جەزائیری، لادەگێکی هۆرامانیش گېرتێرەو هۆرامان کاولکریاو یانی لادەگێکېشا خاپورکەرڎې و خەڵکەکەش گیریارە پەی کۊمەڵگە زۊرە ملێکا زەمەقی، سیروان، هەڵەبجە، خورماڵ، شانەڎەری.
خەڵکو هۆرامانی فاڕیێوە پەی ژیوگایە و ژیوای تاڕادە جیاوازی، بەشێ جە خەڵکەکەیش جە فەرمانگە حکومیەکانە مەرزیارەو بەشێچش دەشتەو شارە زوورینە دەسشا کەرد بە کاری و کشتوکاڵی کەرڎەی پێ شێوە ژیوایشا بەردەوامبێ.
ساڵەو (1979ز.)ی گەلو ئێرانی ئینقلابش کەرد و حکومەت و شای وڕا، ڕژێمو ئێراقی پەشیمان بیۆ جە ڕېکەوتن نامەو جەزائیری هەکە خلیجی عەرەبی بیۆ بە ئێرانی هەر پەوکای ساڵەو (1980ز.) جەنگو ئێراق و ئێرانی ورگیساو هەشت ساڵی سەرمڕەیش کېشاو و کاولکاری و نەهامەتیش دما وېشەرە ئارد.
ڕۆژانە ڕژمی ئێراقی، ئێرانی بەشېوێ کۊرانە دێ وەرو تۊپاوە، ئێرانیچ جوابش دیوە و ناوچە سەر سنوریەکا تۊپ واران کەرې هەتا خورماڵ ناچاری جارېوتەر ئاوارەو سیروانی بی خەڵکەکەش ئاما بینێ تەمام نەکریاکا ئاکاتەو سیروانی.
(23)یانې جە کۊمەڵگاو خورماڵێ بەناچاری دیسان ئاوارێ سیروانی بی جە بینێ دوە قاتەنە نیشتەجێبێیێ، ڕۊژانە چېرو ڕەحمەت و تۊپەکا ئێرانینە ژیوێنێ ژیوایێ تاڵ هەتا بەیانې سپاو پازدارا جەڕاو ڕادوېنیۆ بانگەوازش کەرد هەکە سیروان تۊپ واران کریۆ خەڵکی مەدەنی وېشا پەنا بېیا، چوار دەورو بینێکێ یانیش چەنە بینێ یانەکېشا مەحکەمێ نەبېنې هەر پەوکای پسە پەناگەی بېنکېشا بەکار ئاوردە و پسە پەناگەی لوێ دلې بینێکی
سەعات 11و بەیانی تاریخو(#06_08_1986#ز.) تۊپێ ماڵاش بینێکێرە و سەیارە و و سوتەمەنی جە غاز و نەوتێ خەڵکو دلې بینێکێ گرش گېرت و قیامەتێ درووسیا پەی ژن و زاروڵە و گەنج وپیرو دلې بینێکێ ئیسە چېوە ئا تراژیدیا باس مەکریۆ هەکە ملو خەڵک و بەش مەینەت و هۆرامانیرە ئاما، یاگی داخێن چی مەرگەساتەنە زېیاتەر جە (300)کەسې سۆتیۆ شەهیدێ بې.
یاگې باسین بەندە جە چوارچېوەو کتېبێنە بەنامې (بیناسوتاوەکەی سیروان جە زمانی شایەتحاڵەکانەوە) کتېبێم بەچاپ یاونان و وەڵام کردەنۆ کە گرڎو لایەن و بوارەکا مەرگە ساتەکەیم ئاشنا کەرڎەن.
یاگې داخێن هەکە حکومەت و هەرۍموو کوردستانی جە ڕوو گرڎ بوارێنە فەرق و جیازیشا کریۆ چەنی شەهیدەکا ناوچەکا تەری هەرۍموو کوردستانی و شەهیدا بینێ سوتەکې.
ڕۊحشا ئارام و یاگېشا بەهەشتبۆ.[1]