محەمەد ئەمین کاردۆخی ناسراوە بە (کاردۆخی)، ناوی تەواوی بریتییە لە (محەمەد ئەمین کوڕی شێخ محەمەد، کە کاکە شێخ ناسراوە کوڕی شێخ محەمەد بەهائەدین کوڕی شێخ عوسمانی سیراجەدینی تەوێڵە)یە. دایکی کچی مەلا نەجمەدینی مەلا نەزیرە.
لەساڵی 1916 لەتەوێڵە لەدایکبووە، لەپێنج ساڵیدا لای باوکی و خاڵوانی قورئان و کتێبە ئایینیەکانی خوێندووە، لەساڵی 1929 لەتەوێڵە چووەتە قوتابخانەو لەساڵی 1935یشدا خوێندنی سەرەتایی تەواوکردووە، پاشان چووەتە بەغدا لەخانەی مامۆستایان وەرگیراوە، لەساڵی 1939دا خوێندنی تەواوکردووەو لەڕۆژی یەکی تشرینی یەکەمی ساڵی 1939دا دامەزراوەو بووە بەمامۆستا لەتەوێڵە.
ژیانی مامۆستایەتی لەم شوێنانە تەواو کردووە؛ ساڵێک لەتەوێڵە، دە ساڵ لەبیارە، دوو ساڵ لەعەبابەیلێ، ساڵێک لەجافەران، دە ساڵ لە#هەڵەبجە#، دووساڵ لە#سلێمانی#، شەش ساڵ لەبەغدا تا لەڕۆژی یەکی نیسانی ساڵی 1970 خۆی خانەنشین کردووەو گەڕاوەتەوە بۆ سلێمانی، واتە (31) ساڵ خزمەتی لەبواری پەروەردەو فێرکردنی منداڵی کوردا هەبووە، بەڵام مخابن لەڕۆژی هەشتی حوزەیرانی ساڵی 1982 لەشاری سلێمانی کۆچی دوایی کردووە.
کاردۆخی هەر بەمنداڵی حەزی لەخوێندنەوەو لەبەرکردنی هۆنراوە بووە، بەتایبەتیش هۆنراوەکانی حاجی قادرو کوردی و مەولەوی، زۆر کاریان تێکردووە.
ئەو بەرهەمانەی کاردۆخی کە تائێستا چاپکراون :
دیوانی (سەیدی هەورامی) - چاپخانەی کامەرانی سلێمانی ساڵی 1971.
بەرگی یەکەمی دیوانی (شاهۆ) - چاپخانەی کامەرانی سلێمانی ساڵی 1976.
بەرگی یەکەمی دیوانی مەردۆخی - چاپخانەی دارالحریە لەبەغدا ساڵی 1978.
بەرگی دووەمی دیوانی (شاهۆ) - چاپخانەی کامەرانی لەسلێمانی ساڵی 1980.
لەچاپدانەوەی دیوانی کاردۆخی بەشی یەکەم و هەندێ لەبەشی دووەم - چاپخانەی ئۆفسێتی سەرکەوتن لەسلێمانی ساڵی