رێواس: تولەڕەش، ڕێواوی، ڕیڤاس، ڕێباس، ڕێوج، ڕیس، گیایەکی چەند ساڵەی باڵا بەرزە و 1 میتر و هێندێ جاریش زیاتر بەرز دەبێ، گەڵای گەورە، پان، پەنجەیی و ددانەدارە، لە نێوەڕاستی گەڵاکانەوە نێرتکێ ئەڕوێ کە ڕەنگە هێندێک جار 2 تا 3 میتر بەرز بێتەوە و گوڵی سەوزی مەیلەو زەرد و مەیلەو سوور ئەگرێ. لە دابەش کردنی گیایی دا سەر بە تیرەی حەوت گرێکان و لە جنسی ڕێواسەکان Rheum نە. تامی ترشە و دژی کرمی نێوزگە.
رێواس 5 جۆری سەرەکی هەیە کە ئەمانەن:
1 باسکڵاو
2 نێرتکەرێواس
3 ڕێواسی بن بەرد
4 لەق لەق
5 مام ڕێواس
جۆرێکی دیکەشی هەیە کە جافەکان قاڵاوقنگەی پێ ئێژن کە ڕەنگە هەر یەکێ لەم پێنجەی سەرەوە بێ، یان ئەویش جۆرێکی دیکە بێ. ڕێواس دایم وەک دەوا لە کوردەواری دا بەکار هێنراوە، بەتایبەتی دژی کرمی ڕیخۆڵە.
رێواس پێش 5000 ساڵ لەمەوبەر لە وڵاتی چین و تایوان دا وەک دەرمان کەڵکی لێوەرگیراوە و لە سەدەکانی نێوەڕاستدا گەیشتە ئورووپاش و دوای ماوەیەک ون بووەوە و جارێکی تر لە سەرتای ساڵی 1800ی زاینی دا گەیشتەوە ئورووپا.
ئەمەش جۆرێکی ترە Rheum rhaponicun بە فەرانسەوی Rhubarbe groseille یان Ribesی پێی ئەڵێن.
ئەم وێنە لە کەلی خان (بانە) گیراوە.
Примечание: Kurdipedia хочет собрать "все" курдскоие слова и фразы из всех диалектов. Пожалуйста, помогите Kurdipedia ...
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 9,901
Ваше мнение о предмете!