کوردپەروەر، نڤیسکار، هەلبەستڤان و دیرۆکزانەکی کورد بوو. د سالا 1907ئان دە ل گوندێ سەردێ (ب ترکی: سەرەن) 70 کم باکورێ ڕۆژهلاتێ باژارێ ئامەدێ د ناڤبەرا هێنێ و لجەیێ دە هاتیە دنێ.
د ناڤ ساڵێن 1920 ێ دە ب تەڤگەرا کورد ڕە دکەڤە دانووستەندنێ. تێکلیا ئیهسان نووری پاشا ب ناڤچەیێن هێنێ و لجەیێ پێک تینە. د لبەرخوەدانا نەتەوەیی یا شێخ سەئیدێ پیران ئا سالا 1925ئان دە ب شێوەیەکی کارگەر جه دگرە. پشتی شکەستنا لبەرخوەدانێ هەسەن هشیار بریندار تێ گرتن و د دادگەهێ دە تێ ئارهکرن. ژ بەر بچووکیا تەمەنێ وی دارڤەکرنێ دکن 15 سالان هەبس. لێ پشتی بووریا گشتی یا 1928ێ ژ گرتیگەهێ دەردکەڤە، دچە ئامەدێ و دکەڤە کارێ دەولەتێ، دبە کارگێر و ڕێڤەبەرێ جەرگەیا تابوویا قولپێ.
دەما کو لبەرخوەدانا ئاگریێ دەست پێ دکە هەسەن هشیار خوە دگهینە ئاگریێ و وەکی شەرڤان جه دگرە. پشتی تێکچوونا لبەرخوەدانێ ب ئیهسان نووری پاشا دەرباسی ئیرانێ دبە. د سالا 1934ئان دە دچە سووریێ و ل بنخەتێ ئاکنجی دبە.
د سالا 1956ئان دە کۆمەلا زانستی و ئالیکاریا کورد ب دەستێ وی و چەند ڕەوشەنبیرێن کورد هاتیە دامەزراندن. د سالا 1966ئان دە ژی وی ب تەنا خوە کۆڤارا ئاگاهی دەرخست. دبێژن کو هەژمارێن ڤێ کۆڤارێ گهانە 19 هەژماران.
هەسەنێ هشیار د 14ئێ ئیلۆنا 1985ئان دە چوو سەر دلۆڤانیا خوەدێ و ل گۆرستانا دوگرێ ل دەڤەرا قامشلۆکێ هاتیە ڤەشارتن.