ئیبراهیم مەتینی کی بوو؟ ئەو هەلبەستڤانێ کوردێن لبنانێ یە. ئەڤیندارێ کورد و کوردستانێ بوو.. سۆفیەکی میر کامیران بەدرخان بوو..۱ هەزکەرێ زمان و پەیڤا کوردی ئا ڕەسەن بوو.. ئەو ژ کوردستانا باکور، چیایێ ئۆمەریان، گوندێ مەتینا یە.. د سالا ۱۹۰۹ئان ل گوندێ مەتینا هاتیە سەر ڕوویێ دنیێ. د سالا ۱۹۳۰ئی دە دەرباسی بنیا خەتا فرانساوی بوویە، ئانکو هاتیە ناڤ کوردێن ڕۆژاڤا. چەند سالەکی مالا وی ل باژارێ ئاموودێ و قامشلۆ مایە و ل ڤان هەردوو باژاران دۆستانیا وی ب نڤیسکارێن کۆڤارا هاوارێ ڕە چێبوویە، د سەرێ وان دە سەیدایێ جەگەرخوین.. د داویا سالێن ۱۹۳۰ئی دە مالا خوە بارکریە بەیرووتێ و ل ور دۆستانیەک مەزن د ناڤبەرا وی و میر در. کامیران بەدرخان دە چێبوویە.. وێ دۆستانیێ درێژکریە تا ب مرنێ..
ئیبراهیم مەتینی؛ کۆمەک هەلبەست ب زمانێ کوردی هوناندنە، لێ مخابن تا نها نەهاتنە چاپ کرن.. ئەو، مینا یەکەمین هەلبەستڤانێ کورد د ناڤ کوردێن لبنانێ دە تێ ناسکرن. هەلبەستڤان ئیبراهیم مەتینی د ڕۆژا ۶ئێ ئادارا ۲۰۰۱ئان دە ل بەیرووتێ کۆچا داوی کریە. ل سەر داخوازا وی، ئەو د گۆرستانا مالباتا هەمیێ دە یا کو ب کۆکا خوە کوردن ل بەیرووتێ هاتیە ڤەشارتنە.
کۆنێ ڕەش، قامشلۆ، ۲۳.۰۶.۲۰۱۴
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 6,014
Ваше мнение о предмете!