مام کاوێس مێرخاسەکەی دەشتی #کۆیە#
ناوی تەواوی(کاوێس ڕەشید ساڵح)ە ناسراو بەهاوڕێ(مام کاوێس)، ساڵی(1936)لە گوندی(پێبازۆک)ی دەشتی کۆیە لەخێزانێکی زەحمەتکێش وجوتیاری کورد چاوی بەژیان هەڵهێناوە، واتە(2)ساڵ دوای دامەزراندنی(حزبی شیوعی عێراق)، ئەو فەرماندەیەی کەلە(داستانی سێکانی) بە بەعسیەکانی گوت کورد یەکدەست و یەکڕێز شکست بەپلانەکانتان دەهێنێت و یەکەم شەڕی بەرەیی کوردی سەرکردایەتی کرد دژ بە داگیرکەران بەهاوکاری (یەکێتی و سۆسیالیست)بەداخەوە لە شەڕێکی کوردکوژی بووە قوربانی.
لەکاتی شەهید بوونی شەهید ڕێباز سەبارەت بەو جوامێرە نوسیویەتی دوای 20ساڵ خەبات لەشەڕێکی ناڕەوا شەهید کرا، واتە لە ناوەڕاستی شەستەکانی سەدەی ڕابردوو پەیوەندیکردووە بە خەبات ویەکێکە لەپێشمەرگە سەرەتاییەکانی حزبی شیوعی عێراق و فەرماندەی مەیدانی نێوان ساڵانی(1978-1985)بووە.
هەروەها یەکێک بووە لە فەرماندەکانی لیژنەی سەربازی مەڵبەندی پارێزگای #هەولێر#ی حزبی شیوعی عێراق و فەرماندەی بەتالیۆنی 31ی ئازاری ئەوحزبە بووە لەسنوری پارێزگای هەولێرو سەرکردەی شەڕی دەستەو یەخەی داستانی سێکانی بووە لە27-1-1982قارەمانانە جاشەکانی قالەفەرەج و تەحسین شاوەیس وسوپای عێراقیان بەزاندوە وسەدان جاش وجەیشی لێکوشتوون، ئەندامی کۆمیتەی پارێزگای هەولێری لیژنەی(محەلی)بووە، ساڵی 1985فەرماندەی هێزێکی(70)پێشمەرگەیی کردووە بۆ دەشتی کۆیەوهەولێر گەڕاوەتەوە لەناوچەی(#بارزان#)ەوەلە(5-6-1985)لەشەڕێکی سەپێنراو و براکوژیدا بەرامبەر هێزەکانی #یەکێتی نیشتمانی کوردستان#ی تیپی 87ی قەرەچوغ لەگوندی #ئیلنجاغی گەورە#ی ووراتی کۆیە دەچێتە کاروانی شەهیدانەوە، حزبی شیوعی عێراق بە(بەلاغ)ی ژمارە4ی کۆتایی حوزەیرانی ساڵی 1985ئەم ڕووداو وکارەساتەی بلاوکردۆتەوە.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 5,064
Ваше мнение о предмете!