فەیزوڵڵا ئاغای #یارەمیش#ی
فەیزوڵڵا ئاغا کوڕی جەلال ئاغا کوڕی ئەسعەد ئاغای حەوێزیە، ساڵی 1922 لە شاری #کۆیە# چاوی بەژیان هەڵهێناوە، لە گوندی یارەمیشی ڕۆژهەڵاتی کۆیە نیشتەجێبووە، پیاوێکی نیشتمانپەروەر بووە یارمەتیی شۆڕش و بزاوتە ئازادیخوازەکانی کوردی داوە لە قۆناغە جیاوازەکاندا، دیارترین هەڵوێستی ئەم پیاوە لە مێژوودا لە ساڵی 1963 لە گوندی یارەمیش ڕووبەڕووی (#حەرەس قەومی#) بەعسییەکان بووەوە و نەیهێشت گوندی یارەمیش تاڵان بکەن.
کە حەرەس قەومی لە هاوینی 1963 پەلاماری یارەمیش دەدەن فەیزوڵڵائاغا و مشیر ئاغای کوڕی و نەزەندخانی حسێنی هاوسەری لەگەڵ خەڵکی ئاوایی یارەمیش لە سعات (9)ی بەیانییەوە تاوەکوو سعات (4)ی ئێوارە سەنگەر لە بەعسییەکان دەگرن و پێشڕەویان ڕادەگرن، لەو شەڕەدا (11) حەرەس قەومی دەکوژرێت و (4)یشیان بریندار دەکەن و گوندەکە لە تاڵانکردن دەپارێزن، ئەمەش بە یەکێک لەسەروەرییەکانی شارۆچکەی کۆیە لە مێژوودا تۆمارکراوە، هەروەها هاوکاری باشی شەهید #دکتۆر خالید#ی داوە لە ماڵەکەی خۆیدا لە یارەمیش پلانی گرتنی قشڵە و سەرای کۆنی کۆیەی بۆ داڕشتووە، ئەم کەسایەتییە لە 22-2-1981 لە شاری کۆیە کۆچی دوایی کردووە.[1]
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 6,123
Ваше мнение о предмете!