بەپێی ڕاگەیێندراوێکی وەزارەتەکە، ئاشکراکردنی داهاتی مانگانەی سەرجەم بەڕێوبەرایەتییەکانی لە درێژەی هەنگاوە گرنگەکانیەتی بە ئاراستەی شەفافیەت لە خەرجی و داهاتەکاندا.
ئەو خشتەیەی لەلایەن وەزارەتی گواستنەوە و گەیاندن و بە واژۆی #مەولوود باوەموراد#، وەزیری گواستنەوە و گەیاندن بڵاوکراوەتەوە، ماوەکەی دەگەڕێتەوە بۆ (1-7-2017 تاوەکو 31-7-2017) و کۆی تەواوی داهاتی بەڕێوەبەرایەتییە گشتیەکانی سەر بە وەزارەتەکەی تێدایە بە هەردوو فڕۆکەخانەی نێودەوڵەتی هەولێر و سلێمانییەوە.
بەگوێرەی خشتەکە، لەو ماوەیەدا داهاتی وەزارەت پێنج ملیار و 51 ملیۆن و 76 هەزار و 607 دینار بووە.
بەپێی ڕاگەیێندراوەکە، لەسەر بڕیاری مەولوود باوەموراد، وەزیری گواستنەوە و گەیاندنی حکومەتی هەرێمی کوردستان بەوەکالەت مانگانە داهاتی سەرجەم بەڕێوبەرایەتییە گشتییەکانی سەر بە وەزارەتی گواستنەوه و گەیاندن ئاشکرا دەکرێت.[1]
ماڵپەری ڕووداو: 16-08-2017