گەر ماوەی چەندین ساڵی دیکەش تێبپەڕێت بەسەر ڕووداوەکانی قەزای شەنگال و هێرشی #داعش# لەو ناوچانەدا هێشتا چیرۆکی ڕفاندنی کچانی ئەو ناوچەیە تەواو نابێت.
یەکێکی دیکە لەو چیرۆکانەی کچانی #ئێزیدی# ژێر دەستی داعش تازە ئاشکرای دەکەن ئەوەیە کە پشکنینی پاکیزەییان لە ڕەققەی سوریا بۆ ئەنجامدراوە.
بەشێک لەو کچە ئێزیادیانەی لە لایەن داعشەوە ڕفێنراون براونەتە شاری ڕەققە و کڕین و فرۆشتنیان پێوە کراوە.
نور هدی هاوسەری یەکێک لە چەکدارەکانی داش لە چاوپێکەوتنێکی کەناڵی(الان)ی عەرەبی، چەندین نهێنی نوێ ئاشکرا دەکات و ڕایدەگەیەنێت، بەشێک لەو کچە ئێزیدیانەی لە لایەن داعشەوە ڕفێنراون پێش کڕینیان لە لایەن چەکدارەکانەوە پشکنینی پاکیزەییان بۆ کراوە.
باسی لەوەشکرد، لە ڕێگەی تۆڕە کۆمەڵایەتییەکانەوە بە تایبەت تێلیگرام، کچەکان نمایشکراون و نرخیان لەسەردانراوە، بە شێوەیەک ئەوەی جوان بووایە نرخی زیادتر دەبوو بە شێوەیەک دەگەیشتە 30 هەزار دۆلار.[1]
Этот пункт был написан в (کوردیی ناوەڕاست - Central Kurdish) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 4,212
Ваше мнение о предмете!