بە پێی ئاماری بەڕێوبەرایەتی بەرنگاربوونەوەی توندوتیژیی دژ بە ژنان لە هەرێمی #ڕاپەڕین#، لە ساڵی ڕابردوودا پێنج هەزار و 756 ژن توندوتیژییان بەرامبەرکراوە.
لە ڕووی توندوتیژییەکان هەولێر بە پلەی یەکەم و دهۆک پلەی دووەم و گەرمیان بە پلەی سێهەم دادەنرێن لە ساڵی 2017.
ئەمڕۆ کاتژمێر 10:15 خولەک، #ڕێکخراوی ژنانی ئازادی کوردستان# (ڕژاک)، لە هۆڵی بتوێن-ی شارۆچکەی ڕانیەی ناوەندی ئیدارەی ڕاپەڕین کۆنفرانسێکی بە دروشمی ´نا بۆ کۆمەڵکوژیی ژنان، بەڵێ بۆ چارەسەری ڕیشەیی` دەستپێکرد و بەردەوامە.
لە کۆنفرانسەکەدا ئاماری بەڕێوبەرایەتیی بەرنگاربوونەوەی توندوتیژیی دژ بە ژنان لە ڕاپەڕین خرایەڕوو، کە بەگوێرەی ئامارەکە لە ساڵی 2017 لە باشوری کوردستان، هەولێر لە ڕیزی یەکەمدا دادەنرێت و دوو هەزار و 530 ژن ڕووبەڕووی توندوتیژیی بووەتەوە.
هەروەها، پارێزگای دهۆک لە ڕیزی دووەمدا دێت لە توندوتیژییەکان و لەو ساڵەدا هەزار و 876 ژن توندوتیژییان بەرامبەر کراوە، گەرمیان 656ژن، ڕاپەڕین 441 ژن، سۆران 260 ژن توندوتیژییان بەرامبەر کراوە.[1]
#17-03-2018#