دواڕۆژ، #بورهان یەحیا#
رێڤەبەرێ باغداریێ ل سنۆرێ پارێزگەها #دهۆک# راگەهاند؛ ب پشتەڤانییا حوکمەتێ رێژەیا بەرهەمێ پتاتێ ل سنۆرێ پارێزگەهێ گەهشتییە 168 هزار تەنان و بەرەڤ زێدەبوونێ یە.
رەجەب حەسەن رێڤەبەرێ باغداریێ ل سنۆرێ پارێزگەها دهۆک بۆ دواڕۆژ رۆهنکر ل سالا 2009ێ لژنەیێن بسپۆر یێن رێڤەبەریێ رووپێڤەکا سەرانسەر لسەر بەرهەمێ پتاتێ ل گشت پارێزگەهێ ئەنجام دا و دیار بوو 1000 تەنێن پتاتێ دهێنە بەرهەمئینان و ل سالا بۆرى ژى دووبارە رووپێڤەکا دى هاتە ئەنجامدان و دیاربوو رێژەیا بەرهەمئینانا پتاتێ گەهشتییە 168 هزار تەنان و ئەڤە دەستکەڤتەکا مەزنە.
خویاکر نوکە بەرهەمێ پتاتێ ژ دهۆک بۆ دەرڤەى وەلاتى ژى دهێتە هنارتن و پشتى زێدەبوونا وێ هەڤڕکی لسەر کێمکرنا بهایێ وێ چێبوویە و ئەڤە د بەرژوەندییا وەلاتییان دایە و هەلبەت پتاتێ خومالى گەلەک ژ یێ بیانى باشترە.
ئاماژەکر بەردەوام پلان بۆ زێدەکرنا وى بەرهەمى دهێتەدان کو هەست پێ دهێتەکرن دگەل ئاخ و هەوایێ هەرێمێ دگونجیت و بۆ ڤێ ژى بسپۆرێن بیانى و ناڤخۆیى دگەل جۆتیاران هاریکارن.[1]
#17-04-2018#
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 2,460