دواڕۆژ، #بورهان یەحیا#
رێڤەبەرییا گشتییا ساخلەمییا پارێزگەها #دهۆک# ڕاگەهاند؛ ل ڕۆژانێن جەژنێ 18 کەس ب لێدانا چەقۆی ل دەمێ شەڕکرنێ بریندار بووینە.
حەمزە ڕەزیکی بەرپرسێ ڕاگەهاندنا ڕێڤەبەرییا گشتییا ساخلەمییا پارێزگەها دهۆک د کۆنگرەیەکێ ڕۆژنامەڤانی دا ڕاگەهاند ل ڕۆژانێن جەژنێ کەسەکی گیانێ خۆ ژ دەستدایە و حەفت دکان ژی هاتینە داخستن و 12 هزار و 184 کەسان سەرەدانا نەخۆشخانەیان کریە و 83 نشتەرگەری هاتینە ئەنجامدان.
دیارکر 273 زارۆ هاتینە سەر دونیایێ و ژوان ژی 152 کۆڕ و 121 کچ و 21 ڕوودان پەیدا بووینە و 13 ژی لێکدان بووینە، د ئەنجام دا، کەسەکی گیانێ خوە ژ دەست دایە و هەشت کەس ژی بریندار بووینە.
حەمزە ڕەزیکی ئاماژەکر چەندین حالەتێن بشەرچۆنێ ژی هاتینە تۆمارکرن و 18 کەس برینداربوون ب چەقۆیان بۆ نەخۆشخانەیان هاتینە ڕەوانەکرن و 14 کەس ژی ژ بلنداهایان کەفتینە خوار.
خویاکر تیمێن ڤەگوهاستنا دەسپێکی 122 ل ڕۆژانێن جەژنێ 31 حالەت گەهاندینە نەخۆشخانەیان کو ژ وان کچەک بوویە ل ئێک ژ کەمپێن ئاواران و بزاڤا خوەکوشتنێ کریە، بەلێ تیمێن وان یا پێدڤی بۆ کرییە و ژ مرنێ ڕزگار کریە و 45 حالەتێن سۆتنێ هاتینە تۆمارکرن، ڕەوشا هەموویان ژی باشە.
حەمزە ڕەزیکی بەرپرسێ ڕاگەهاندنا ڕێڤەبەرییا گشتییا ساخلەمییا پارێزگەها دهۆک دازانین د ڕۆژانێن ڕەمەزانێ حەفت جه هاتبوونە دائێخستن و 81 جه ژی هاتبوونە سزادان و هوشداری بۆ 267 جهان هاتبوو ڕەوانەکرن.[1]
#19-06-2018#