#نادیە موراد# خەڵاتی نۆبڵی پێبەخشرا، بەڵام ئەوەی ڕزگاریکرد ئێستا لە ئەڵمانیایه و هێشتا مافی پەنابەری پێ نەدراوە.
گۆڤاری (تایم)ی ئەمریکا ڕاپۆرتێکی لەسەر ئه و کەسە بڵاوکردۆتەوە کە خاوەنی خەڵاتی نۆبڵی لەدەست تیرۆریستانی #داعش# ڕزگارکردوە کە ئەویش کچە کوردی ئێزدی (نادیە موراد)ە، ئه و کەسە ناوی عومەر عەبدولجەباره و لە ئەڵمانیا دەژی.
عومەر لە چاوپێکەوتنێکدا لەگەڵ گۆڤارەکە دەڵێت، لە #موسڵ# پیشەی دارتاشی کردوه و ئەوکاتەی نادیەی ڕزگارکردوە خێزانەکەی دووگیان بوه و چاوەڕێی هاتنە دنیای منداڵی دوەمیانی کردوە، عومەر دەڵێت، لە نیوە شەوێکی کۆتایی هاوینی ساڵی 2014 دا گوێیان لە تەقەی دەرگاکەیان بوە، لەگەڵ خێزانەکەی لەوە ترساون جارێکی تر چەکدارەکانی داعش هەڵیانکوتابێتەوە سەریان، چونکە سەردانکردن لەکاتێکی درەنگوەختدا کارێکی نامۆیە لە کۆمەڵگای عێراقیدا.
عومەر دەڵێت، کاتێک لەگەڵ باوکیدا چون دەرگاکە بکەنەوە کەسێکییان لەبەردەم دەرگاکەدا بینیوە، کە لە سەرەوە تا قاچەکانی داپۆشراوبون و داوایکردوە هاوکاری بکەن، چونکە دەستدرێژی کراوەتەسەری، دەستبەجێ ڕایکێشاوەتە ژورەوە تا کەس نەیبینێ و بەترسێکی زۆرەوه و بە هێواشی وتویەتی (ناوی نادییەیه و خەڵکی کۆجۆیە کە شارێکی ئێزیدیه و دەکەوێتە لای باشوری #شنگال#ەوە، باسی لەوە کردوە کە داعشەکان دەستگیریان کردوه و هێناویانە لە موسڵ وەک سەبایا کڕین و فرۆشتیان پێوەکردوە، وتویەتی ڕوبەڕوی دەستدرێژی بۆتەوه و لێیدراوه و چەندینجار کڕین و فرۆشتنی پێوەکراوە تا لە ماڵێکدا هەلی هەڵاتنی بۆ هاتۆتە پێشەوه و ڕایکردوە ئەویش دوای ئەوەی بیریان چوە قفڵ له و دەرگایە بدرێت کە تیایدا بوە.
نادیە موراد لە کتێبەکەیدا بەناوی (کۆتا کچ) باسی لە دیلێتی خۆیکردوە بە درێژی باسی لە دەستدرێژییەکان و فرۆشتن و نەهامەتییەکانی کردوە لەلایەن توندڕەوەکانەوە، هەر له و کتێبەیدا ڕێز دەنێرێت بۆ عومەرو خێزانەکەی و دەنوسێت (نازانێت باشن یان نا، چونکە زۆربەی موسڵییەکان ڕەوشیان زۆر خراپە).
دواتر عومەر بڕیار لەسەر چارەنوسی نادیە دەدات لەکاتێکدا دراوسێکانیشان هاوسۆزبون لەگەڵ داعشدا، عومەر دەڵێت لەماڵی خۆیان شاردویانەتەوە پەیوەندی کردوە بە براکەی نادییەوە کە 80 میل دوربوو لێیانەوه و لەناو کەمپێکی پەنابەراندا ژیاوە تا پلانێکی بۆ دەربازکردنی دابنێن، چونکە دەرکردنی نادیە لەناو موسڵ زۆر زەحمەت بوە.
عومەر دەڵێت، ئامۆزاکەم پێناسێکی بەناوی کەسێکی عەرەبی سوننە بۆ دروستکردین کە لەسەر شاری #کەرکووک# بو ئه و شارەی 100 کیلۆمەتر لێیانەوە دوربوە، ئەم بیرۆکەیە لەکاتێکدا بوە داعش کۆنترۆڵی هەموو دەروازەکانی هاتن و چونەدەرەوەی موسڵی کردبو بڕیاریاندا وابڵێن کە هاوسەری عومەر سەردانی دایک و باوکی دەکات کە لە کەرکووکن.
لە کتێبەکەیدا نادیە باسی چۆنێتی هەڵاتنەکەی کردوە، ئه و دەڵێت، شەوێک پێشتر هەوڵیداوە ناوی پێناسە نوێکە لەبەر بکات کە ناوێکی عەرەبی سونە بوە هەروەها ناوی دایک و ڕۆژی لەدایکبونی و زانیاری لەسەر شاری کەرکووک ئه و شارەی پێشتر سەردانی نەکردوه و هیچی لەبارەیەوە نەزانیوە، بۆیە بچوکترین هەڵە لە وەڵامدانەوەی پرسیارەکاندا کوشتنی مسۆگەر دەکات.
نادیە دەڵێت، لەیەکەم خاڵدا لە دەرەوەی شارەکە داعشەکان هەستان بە پشکنینی ئۆتۆمبێلەکه و بەتوندی کێشایان بەسەر سنگ و دڵی عومەرداو دەستگیریان کرد، دەترسام لەوەی بگەڕێمەوە بۆ کۆیلایەتی و سزای هەڵاتنیش وەربگرم لەوانەشە ڕەشترین چارەنوس چاوەڕوانم بکات.
من لەسەر کورسییەکانی دواوەی ئۆتۆمبێلەکە دانیشتم لەپشتی پەچەکەمەوە تەنها چاوەکانم دیاربون، عومەر وەڵامی پرسیارەکانی دایەوه و چەکدارەکان داوای پێناسەکانیان کرد، پرسیان کرد بۆ کوێ دەچن؟ بۆچی دەچن بۆ کەرکووک؟ کەی دەگەڕێنەوە؟ لەکاتە زیاتر هەستم بە ترس کرد کاتێک وێنەی خۆمم بینی بە تەنیشت دوو ژنی تری ئێزدییەوە هەڵواسراون، ئینجا دڵنیابوم کە بە وردی بۆ من دەگەڕێن.
عومەر لەچاوپێکەوتنەکەدا باس له و ساتە دەکات و دەڵێت، داعشەکان ڕێگەیان بە تێپەڕاندنیان داوە، بەڵام داوایان لە نادیە نەکرد پەچەکەی لابەرێت تا ڕوخساری ببینن تەنها لەگەڵ خۆیدا قسەیان کردوە، ئەگەر نادیە قسەی بکردایە ئەوا زۆربەی عێراقییەکان دەتوانن جیاوازی لە دیالێکتی نێوان عەرەبی کەرکووک و ئێزدییەکان بکەن.
لە کتێبەکەیدا نادیە باسی ساتی گەیشتنی بە کەرکووک کردوه و وتویەتی: بەچەند خالێکی تری پشکنیندا تێپەڕین پێشئەوەی شۆفێری تاکسیەکەمان داوامان لێبکات دابەزین، دواتر بەچەند بەربەستێکدا ڕێمانکرد کە بۆشایی نێوان کۆتایی خاڵی پشکنینی داعش و هێزەکانی #پێشمەرگە# بو، ڕۆژی دواتریش لە هۆتێلێکی #هەولێر# کۆتا ڕۆژبوو ئیتر ماڵئاواییم لە عومەر کرد لەکاتێکدا دەمزانی دەرگاکانی گەڕاندنەوەی بۆ شاری موسڵ لێ داخراون.
گۆڤاری تایم لە چاوپێکەوتنەکەیدا لەگەڵ عومەر دەڵێت: زۆر کەس هەن چیرۆکی عومەر نازانن کە دەردیسەری زۆری بینیوە تا خۆی گەیاندۆتە ئەڵمانیا لە مارسی ساڵی 2015 دا، ئه و داوای مافی پەنابەری کردوە، دوای زیاتر لە سێ ساڵ هێشتا وەرینەگرتوه و تەنها ڤیزایەکی کاتی پێدراوە کە تا مانگی پێنجی ساڵی 2018 بوە، دوای تەواو بونی داوای نوێکردنەوەی کردوە، بەڵام حکومەتی ئەڵمانیا داوای پاسپۆرتی عێراقی لێکردوە کە نییەتی و ئه و وەک هەموو عێراقییەک لەوە دەترسێ بەغداد بەتەواوی کۆتایی داعش ڕابگەیەنێت و دواتر بەزۆرەملێ بیگەڕێننەوە بۆ عێراق، عومەر دەڵێت، هێشتا لە ڕێگەی ئەنتەرنێتەوە لەلایەن داعشەوە هەڕەشەی لێدەکرێت و هەست بە ئاسودەیی ناکات، ئه و پێیوایە هەڕەشەیەکی زۆر لەسەر ژیانێتی و وەک وتویەتی نامەیەکی بۆ هاتوە تیایدا نوسیویانە کە گەیشتونەتە ئەڵمانیاو بەدوایدا دەگەڕێن.
عومەر دەڵێت، له و کارەی کردویەتی پەشیمان نییە، چونکە ویستویەتی نادیە بگەیەنێتە دەستی کەسوکارەکەی، دوای گەیشتنی بە هەرێمی کوردستان و بڵاوکردنەوەی وێنەکانی لە ڕاگەیاندنەکاندا بۆتە هۆکاری ئەوەی خۆی و کەسوکارەکەشی بناسرێنەوە، ئه و ئێستا داوای ئەوە دەکات خێزانەکەی بەرێتە ئەڵمانیا تا ئەوانیش لە مەترسی دوربخاتەوه و خۆشی لە تەنهایی ڕزگای ببێت.
ئێستا عومەر دەڵێت، چەندین مانگە قسەی لەگەڵ نادیە موراددا نەکردوە ئەوەی من و خێزانەکەشم کردومانە بۆی لێی پەشیمان نین، چونکە توانیومانە زەردەخەنەیەک بگەڕێنینەوە بۆسەر لێوی خێزانێک، گەڕاندنەوەی ئه و پێکەنینەش گرنگ نییە کێ دەیکات.
لە کتێبەکەی نادیە مورادا (عومەر عەبدولجەبار) کارەکتەرێکی سەرەکییە، بەڵام بەناوی (ناسر)ەوە ناسیێنراوه و ڕۆڵ دەبینێت.
PUKmedia کوردساتنیوز- وەرگێڕانی- کیسرا ئەحمەد[1]
#06-10-2018#