بەرەبەیانیی ڕۆژی 5 شەممە/ 4ی ئۆکتۆبەری ڕابردوو، لە پارێزگەی ئێلح-ی باکووری کوردستان، لە کاتی تێپەڕبوونی ئۆتۆمبێلێکی سەربازیی سوپا داگیرکەرەکەی تورکیادا تەقینەوەیەک مەزن ڕوویدا بوو، ئەمڕۆش ناوەندی ڕاگەیاندنی هێزەکانی پاراستنی گەل- #هەپەگە# بە بڵاوکراوەیەک بەرپرسیارێتی ئەو تەقینەوەیەی لە ئەستۆ گرت و بەم شێوەیە ئەنجامەکەی بۆ ڕای گشتی ئاشکرا کرد:
چالاکی ئێلح
ڕۆژی 4ی ئۆکتۆبەر کاتژمێر 06:00ی بەرەبەیانی لەسەر ڕێگای گوندی چەلیک - بۆتیکای سەر بە دەڤەری ماوای پارێزگای ئێلح، گەریلاکانمان لە دژی زرێپۆشێکی سوپای تورکیا چالاکیان ئەنجامدا بوو و بە هۆیەوە زرێپۆشەکە بەتەواوی تێکشکێندراوە و بۆمان ڕوون بووەتەوە تێیدا 8 فەرماندە و ڕاوێژکاری سەربازیی سوپای تورکیا هەبوون ەرجەمیان کوژراون و سەربازێکیش بریندار بووە.
هێرشی ئاسمانی
لە بەشێکی دیکەی بڵاوکراوەکەیدا، هەپەگە سەبارەت بە هێرشی فڕۆکە جەنگیەکانی تورکیا بۆ سەر هەرێمەکانی پاراستنی مەدیا بەم شێوەیە زانیاری داوە:
ڕۆژی 5 ئۆکتۆبەر کاتژمێر 11:00ی پێش نیوەڕۆ دەڤەری ساخای سەر بە هەرێمی زاپ و کاتژمێر 03:30 خولەک بۆ 04:00ی پاش نیوەڕۆش دەڤەری سیدا، پردی بڵندا و گوندی فلەهای سەر بە هەمان هەرێم لە لایەن فڕۆکەکانی تورکیاوە بۆردوومان کراون. هەروەها لە کاتژمێر 04:45 خولەک بۆ 05:00ی پاش نیوەڕۆ دەڤەری دۆڵی مارا و تەپە کارتالی سەر بەهەرێمی ئاڤاشین بۆردوومان کراون.[1]
#06-10-2018#