لە 15 ساڵی ڕابردووەوە یەکگرتوو بە دووەم هێزی گەورەی پارێزگای #دهۆک# لە ڕووی جەماوەرەوە لەقەڵەم دەدرێت، بەڵام بەپێی ئەنجامە بەراییەکانی هەڵبژاردنی پەرلەمانی کوردستان؛ یەکگرتوو لە هەڵبژاردنی 30 ئەیلوولدا ژمارەی دەنگەکانی بەراورد بە هەڵبژاردنی 12ی ئایار، 10 هەزار دەنگ کەمیکردووە.
بەرپرسانی یەکگرتوو لە دهۆک دەڵێن، هەڵبژاردنی ئەمجارە لە بادینان پاکترین هەڵبژاردنی چەند ساڵی ڕابردوو بووە لە کوردستان، زۆربەی بەرپرسانی یەکگرتوو پێیانەوایە کێشەی کەمبوونەوەی دەنگەکانی یەکگرتوو پەیوەندی بە ئەدای ئەو حیزبەوە هەیە.
بەپێی ئامارەکانی ژووری هەڵبژاردنی یەکگرتوو، ئەو حیزبە لە هەڵبژاردنی خوولی چوارەمی پەرلەمانی کوردستان 186 هەزار و 642 دەنگی بەدەستهێناوە، بەڵام ئەمساڵ بەپێی ئەنجامە بەراییەکان 69 هەزار و 477 دەنگی بەدەستهێناوە و ئەمەش بە خراپترین ئەدای خۆی دەژمێرێت، لە ماوەی 15 ساڵی ڕابردوودا.[1]
#07-10-2018#
Этот пункт был написан в (کوردیی ناوەڕاست) языке, нажмите на значок
![](https://www.kurdipedia.org/images/flags/ku.png)
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 1,778